Marsijanski mietearyt pradali na aŭkcyjonie za vialikija hrošy. Ułady afrykanskaj krainy pratestujuć
U lipieni 2025 hoda na aŭkcyjonie Sotheby's u Ńju-Jorku pradali najbujniejšy viadomy kavałak Marsa na Ziamli — marsijanski mietearyt vahoj 24,7 kh za 4,3 miljona dalaraŭ. Ułady afrykanskaj dziaržavy Nihier pačali rasśledavańnie, bo kamień byŭ znojdzieny ŭ hetaj krainie ŭ listapadzie 2023 hoda ŭ pustynnym rehijonie Ahades, i nieviadoma, ci byŭ jon vyviezieny zakonna, paviedamlaje Euronews.
Mietearyt, jaki atrymaŭ nazvu NWA 17788, pavodle navukoŭcaŭ, trapiŭ na Ziamlu paśla ŭdaru inšaha kaśmičnaha cieła pa pavierchni Marsa. Jaho vyvučali italjanskija daśledčyki, a dostup da kamienia, zdajecca, zabiaśpiečyŭ pryvatny kalekcyjanier, jaki, vierahodna, i vystaviŭ jaho na prodaž u ZŠA.
U Sotheby's zajavili, što ŭsia dakumientacyja była ŭ paradku, ale padrabiaznaści šlachu kamienia da aŭkcyjona nie raskryli.
Ułady Nihiera ž miarkujuć, što ŭ historyi šmat nievyraznych momantaŭ, a prezident krainy navat časova zabaraniŭ ekspart mietearytaŭ i kaštoŭnych kamianioŭ da zakančeńnia śledstva.
Situacyja ŭskładniajecca tym, što mižnarodnyja zakony nie vyznačajuć vyrazna, ci ličacca mietearyty častkaj pryrodnaj abo kulturnaj spadčyny krainy. Tamu vypadki, jak z NWA 17788, traplajuć u jurydyčnuju «šeruju zonu».
Ekśpierty adznačajuć, što ŭ pustyni Sachara mietearyty zachoŭvajucca asabliva dobra, miascovyja žychary časta źbirajuć ich dla prodažu kalekcyjanieram, a ŭładam heta kantralavać vielmi składana.
U ZŠA mietearyt upaŭ na dom. Navukoŭcy śćviardžajuć, što jon starejšy za Ziamlu
Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ
Smalavicki mietearyt aficyjna zarehistravany ŭ mižnarodnym rejestry
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary
Ale chutka pabačyli ich na aukcyjonach u Łondanie i Vienie.
Bo kamu hetaja historyja treba?