Rasijski płyviec źnik bieź viestak pry sprobie pierapłyści Basfor u Turcyi
U Stambule padčas štohadovaha mižkantynientalnaha zapłyvu praz Basfor, jaki arhanizuje Alimpijski kamitet Turcyi, źnik 29-hadovy rasijski spartoviec, kandydat u majstry sportu Mikałaj Śviečnikaŭ.
Na dystancyju ŭ 6,5 km vyjšli amal 3000 udzielnikaŭ. Da finišu dajšli ŭsie, akramia Śviečnikava. Jak pišuć rasijskija kanały, jon startavaŭ adnym ź pieršych, ale ŭžo praz 500—600 mietraŭ jaho zhubili z pola zroku.
Spabornictvy prachodzili z 10:00 da 14:00. Spačatku išoŭ doždž, paźniej ustalavałasia soniečnaje nadvorje pry +25 °C i vietry.
Pavodle spartsmienaŭ, Śviečnikaŭ moh vybicca ź sił kala pieršaha mosta abo ŭ jaho zdaryłasia sutarha.
Udzielniki «Basfora 2025» taksama skardzilisia na prablemy ź biaśpiekaj. Jany adznačali, što na siaredzinie dystancyi nie było vyratavalnych kataraŭ, a ŭ hetym hodzie było asabliva mocnaje sustrečnaje ciačeńnie. Adzin z płyŭcoŭ pryznaŭsia, što raźličvaŭ prajści 6,5 km za 1 hadzinu — 1:20, ale ŭ vyniku prapłyŭ tolki za 1:46.
Znajomyja spartsmiena adznačajuć, što paśla spabornictvaŭ jaho rečy źnikli. Pavodle ich słoŭ, paśla jaho prapažy ratavalniki i palicyja nie pradpryniali aktyŭnych dziejańniaŭ.
Paśla zapłyvu, u miežach fiestyvalu Teknofest, pa pralivie prajšli vajennyja karabli.
Ciapier čytajuć
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary