Prezident ZŠA Donald Tramp apublikavaŭ u piatnicu ŭ sacsietcy Truth Social fota lidaraŭ Kitaja, Indyi i Rasii z kamientarom ab tym, što dźvie dziaržavy akazalisia ŭ śfiery ŭpłyvu Kitaja, piša Rasijskaja słužba Radyjo Svaboda.
«Zdajecca, što my stracili Indyju i Rasiju, jakija pierajšli da hłybokaha i ciomnaha Kitaju. Žadaju im doŭhaj i kvitniejučaj sumiesnaj budučyni!»— napisaŭ Tramp.
Na fota, zroblenym, vidavočna, padčas niadaŭniaha samitu Šanchajskaj arhanizacyi supracoŭnictva ŭ Kitai, kitajski lidar Si Czińpin vychodzić ź dźviarej z prezidentam Rasiei Uładzimiram Pucinym, za imi idzie premjer-ministr Indyi Narendra Modzi.
Looks like we've lost India and Russia to deepest, darkest, China. May they have a long and prosperous future together! President Donald J. Trump
(TS: 05 Sep 06:14 ET)… pic.twitter.com/jxEROEIq0H
ŚMI raniej paviedamlali pra kanflikt pamiž Trampam i Modzi i pra toje, što indyjski premjer pierastaŭ adkazvać na zvanki z Vašynhtona. Złučanyja Štaty niadaŭna ŭviali dla Indyi dadatkovyja pošliny — u tym liku ŭ suviazi z zakupkami hetaj krainaj rasijskaj nafty. Z Uładzimiram Pucinym Tramp niadaŭna sustrakaŭsia na Alascy, abodva prezidenty acanili vyniki sustrečy jak dobryja. Adnak nijakaha prahresu pa pytańni ab zaviaršeńni vajny va Ukrainie, jakoha damahajecca Tramp, dasiahnuta da hetaha času nie było.
Tramp apošnim časam nieadnarazova kazaŭ, što rasčaravany Pucinym. Niekalkimi dniami raniej prezident ZŠA ŭžo kamientavaŭ vizit Pucina ŭ Kitaj. Jon vykazaŭ zdahadku, što Si Czińpin, Pucin i kiraŭnik KNDR, jakija sabralisia razam na vajskovym paradzie ŭ Piekinie, «ładziać zmovu» suprać ZŠA.
U Kramli heta adkinuli i vykazali zdahadku, što Tramp iranizuje.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary