U Homieli žančynu asudzili za arhanizacyju «abdymalnych viečarynak»
U Homieli Ekanamičny sud razhledzieŭ spravu suprać miascovaj žycharki, jakaja paŭhoda arhanizoŭvała tak zvanyja «abdymalnyja viečarynki» biez aficyjnaj rehistracyi dziejnaści, piša BiełTA.
Žančyna ładziła sustrečy ŭ roznych joha-studyjach, dzie 10—12 čałaviek zajmalisia praktykami znajomstva, samaprezientacyi, vizualnaha i taktylnaha kantaktu, dychalnymi praktykavańniami i zadańniami na davier i raźniavolenaść.
Za hety čas jana atrymała bolš za 5,5 tysiačy rubloŭ prybytku. Pry hetym nijakaj śpiecyjalnaj psichałahičnaj adukacyi arhanizatarka nie mieła — tolki siaredniuju.
U sudzie jana tłumačyła, što zarehistravanaja jak samazaniataja i spłačvaje padatki, a sustrečy nibyta byli pryśviečanyja raźvićciu navykaŭ publičnych vystupleńniaŭ i źnižeńniu stresu. Adnak sud paličyŭ, što faktyčna žančyna akazvała psichałahičnuju dapamohu — vid dziejnaści, jaki dazvoleny tolki zarehistravanym psichołaham.
U vyniku žančynu pryznali vinavataj u niezakonnaj pradprymalnickaj dziejnaści. Sud pryznačyŭ jon štraf u pamiery 25 bazavych vieličyń (1050 rubloŭ) i kanfiskavaŭ uvieś atrymany prybytak.
Padatkovaja na Brestčynie zrabiła rejd pa prybiralniach
Pradprymalnika z Navapołacka buduć sudzić za razdrableńnie biznesu
Kupiŭ budynak pad restaran za 262 tysiačy rubloŭ. Ciapier učastak chočuć zabrać, kab pabudavać tam… restaran
Dziaržvydańnie razmazała pradprymalnika-łukašysta, jaki praz tyktok skardziŭsia Łukašenku na miascovyja ŭłady
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary