Biełaruskaja čyhunka prybrała z raskładu maršrut haradskoj elektryčki, na jakim ź Minska ŭ Zasłaŭje da prypynku «Biełaruś» chadzili ciahniki Stadler.
Apošni raz Stadler maršrutu 7301 musiŭ prajści 14 vieraśnia, zaŭvažyła vydańnie «Telehraf».
U Biełaruskaj čyhuncy nie nazvała pryčyn spynieńnia ruchu. U toj ža čas zvyčajnyja «savieckija» elektryčki pa hetym napramku praciahnuć chadzić. Z 15 vieraśnia Biełaruskaja čyhunka pryznačyła novy maršrut 6141 ekanom-kłasa.
Na źmienu raskładu źviarnuli ŭvahu biełarusy, pra što paviedamili ŭ TikTok.
Pad videa pačałasia dyskusija nakont pryčyn admieny, bo aficyjnaha tłumačeńnia nie było. Adzin z kamientataraŭ vykazaŭ zdahadku, što havorka moža iści pra niajakasnyja sučasnyja ciahniki.
«Hałoŭnaje — elektryčki savieckija jašče chodziać, a sučasny transpart usio, vypracavaŭ svoj resurs…» — napisaŭ jon.
Adnak jamu zapiarečyli, što chutčej za ŭsio sprava ŭ niedachopie zapčastak dla absłuhoŭvańnia, a nie ŭ jakaści.
Nahadajem, što šviejcarskaja kampanija Stadler nie paćvierdziła padpisańnie kantrakta ź Biełaruskaj čyhunkaj na pastaŭku 65 ciahnikoŭ. U kampanii zajavili, što pieramovy sapraŭdy vialisia, ale nijakich pahadnieńniaŭ padpisana nie było.
Supolnaść čyhunačnikaŭ Biełarusi źviartaje ŭvahu, što asnoŭnaja pryčyna źniaćcia štadleraŭ z maršrutaŭ źviazana z krytyčnym znosam kołavych par i poŭnaj adsutnaściu pastavak zapčastak praz sankcyi, što zrabiła ekspłuatacyju niebiaśpiečnaj. Akramia taho, situacyju paharšajuć vypadki vandalizmu i prablemy z dyscyplinaj u minskim depo, dzie navat adzin z apošnich pracazdolnych elektraciahnikoŭ byŭ surjozna paškodžany.
Ciapier čytajuć
Łukašenka zahadaŭ zabaranić arhanizavanyja pajezdki dziaciej za miažu biez dazvołu dziaržavy12
Łukašenka zahadaŭ zabaranić arhanizavanyja pajezdki dziaciej za miažu biez dazvołu dziaržavy
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?1515
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?15
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3030
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama30
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2929
Kamientary