Indyja paprasiła ŭ Trampa dazvołu kuplać naftu ŭ Irana i Vieniesueły, kab nie kuplać rasijskaj
Indyja źviarnułasia da ZŠA z prośbaj dazvolić joj adnavić zakupki nafty ŭ Irana i Vieniesueły, kab skaracić zaležnaść ad rasijskich pastavak. Jak paviedamlaje Bloomberg, indyjskija čynoŭniki padčas vizitu ŭ Vašynhton padkreślili: rezkaje źnižeńnie impartu nafty z Rasii mahčymaje tolki ŭ tym vypadku, kali buduć źniatyja amierykanskija abmiežavańni na handal ź inšymi bujnymi vytvorcami, jakija ciapier znachodziacca pad sankcyjami.
Pa słovach pradstaŭnikoŭ Ńju-Deli, adnačasovaje spynieńnie zakupak nafty ŭ Rasii, Irana i Vieniesueły pryviadzie da skačka suśvietnych cen.
Hetaja pazicyja prahučała paśla taho, jak ZŠA ŭviali vialikija taryfy suprać Indyi za jaje handal z Rasijaj. Niahledziačy na cisk, kraina praciahvaje kuplać rasijskuju naftu, choć i ŭ mienšych abjomach. Ministr handlu Indyi Pijuš Hojał zajaviŭ u Ńju-Jorku, što Indyja płanuje pavialičyć zakupki amierykanskaj nafty i hazu, bo jaje enierhietyčnaja biaśpieka «ŭ značnaj stupieni budzie źviazanaja z ZŠA».
Rasija, u svaju čarhu, prapanuje Indyi naftu sa źnižkami, bo mnohija krainy admovilisia ad handlu z Maskvoj praz vajnu va Ukrainie. Dla Indyi, jakaja impartuje kala 90% patrebnaj joj nafty, heta daje mahčymaść istotna źnižać vydatki.
Zakupki ŭ Irana Indyja spyniła jašče ŭ 2019 hodzie, a ad vieniesuelskaj nafty daviałosia admovicca sioleta — paśla ŭzmacnieńnia amierykanskich sankcyj. Pierachod na syravinu ź Blizkaha Uschodu mahčymy, ale abydziecca daražej. Pavodle danych Minhandlu Indyi, u lipieni siaredniaja cana barela rasijskaj nafty składała $68,9, u toj čas jak saudaŭskaja kaštavała $77,5, a amierykanskaja — $74,2.
AANaŭskaja pramova Trampa: pra eskałatar, jaki spyniŭsia prosta na chadu, suprać mihracyi i zialonaj enierhietyki
Kožny šosty naftavy tankier u śviecie naležyć da rasijskaha «cieniavoha fłotu»
Tramp vystaŭlaje Jeŭrasajuzu ŭmovy, jakija toj nie moža vykanać
U ZŠA zajavili, što mohuć abrynuć ekanomiku Rasii. Ale treba dapamoha Jeŭropy
Tramp: Zdajecca, my stracili Indyju i Rasiju
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary
Jany vidavočna hrebujuć sankcyjami cyvilizavanych krain, bo tyja nastojliva prapanoŭvali nie nabyvać daražej za 60.
Ale iniyjatyva damaŭlacca pra čarhovaść cisku na ludažernyja režymy vyhladaje słušna