Siońnia, 6 kastryčnika, nie mienš jak dźvie hrupy ŭdzielnikaŭ tak zvanaj «fłatylii Sumuda», jakaja nakiroŭvałasia ŭ Hazu i była pierachoplena VMS CACHAŁa, buduć departavanyja ź Izraila, piša Newsru.co.il.
165 aktyvistaŭ — siarod ich 27 hramadzian Hrecyi i hramadzianka Šviecyi Hreta Tunbierh — buduć departavanyja ŭ Hrecyju. 10 aktyvistaŭ buduć departavanyja ŭ Słavakiju. U abodvuch vypadkach avijarejsy buduć apłačanyja krainami, što nakiroŭvajuć hetyja samaloty, a nie Izrailem.
Raniej Ministerstva zamiežnych spraŭ u Afinach paviedamiła, što supracoŭniki pasolstva Hrecyi ŭ Tel-Avivie naviedali turmu, u jakoj utrymlivajucca 27 hramadzian Hrecyi, što ŭdzielničali ŭ akcyi «fłatylii». Pavodle słoŭ dypłamataŭ, usie jany zdarovyja i atrymlivajuć nieabchodnuju dapamohu.
Pa rasparadžeńni MZS Hrecyi, 6 kastryčnika z aeraporta «Ramon» pobač z Ejłatam vylecić śpiecyjalny bort, jakim departavanyja aktyvisty buduć dastaŭleny ŭ Afiny.
Raniej brytanskaja Guardian, sa spasyłkaj na pierapisku Ministerstva zamiežnych spraŭ Šviecyi z asobami ź blizkaha atačeńnia Tunbierh, paviedamiła, što pradstaŭnik pasolstva Šviecyi sustrakaŭsia z Hretaj i što jana paviedamiła pra abiazvodžvańnie i niedastatkovaje charčavańnie, a taksama pra syp, vyklikany kłapami.
Tam ža, sa spasyłkaj na adnaho z zatrymanych, paviedamlajecca, što Tunbierh prymušali trymać niejkija ściahi i fatahrafavali, a taksama prasili padpisać niejki dakumient, jaki nie byŭ pierakładzieny.
Ministerstva zamiežnych spraŭ Izraila nazvała zajavy pra žorstkaje abychodžańnie z Hretaj Tunbierh nachabnaj chłuśnioj.
«Zajavy pra žorstkaje abychodžańnie z Hretaj Tunbierh i inšymi zatrymanymi z fłatylii CHAMAS-Sumud — nachabnaja chłuśnia. Usie jurydyčnyja pravy zatrymanych całkam vykonvajucca. Cikava, što sama Hreta i inšyja zatrymanyja admovilisia paskoryć svaju departacyju i nastojvali na praciahnieńni znachodžańnia pad vartaj. Hreta taksama nie padavała izrailskim uładam nijakich skarhaŭ na hetyja niedarečnyja i biespadstaŭnyja abvinavačvańni — tamu što ničoha padobnaha nie adbyvałasia», — havorycca ŭ kamientary MZS Izraila.
Ciapier čytajuć
Jakija retranślatary na miažy maje na ŭvazie Ukraina?17
Kamientary
Raniej za heta ludzi hrošy sami płacili, kamu cikava.
A ciapier ludzi spłačvajuć padatki, a ich miljony iduć na heta zamiest adukacyi, miedycyny i infrastruktury.