«Pa kalena ŭ hnoi i zarobak 200 rubloŭ». Žyviołavod z-pad Salihorska pakazaŭ svaju fiermu va ŭsioj krasie
Rabotnik fiermy vykłaŭ u tyktoku niekalki videa pra brud i haleču ŭ haspadarcy. Paśla hetaha jaho abvinavacili ŭ pomście kiraŭnictvu, a sacsietka vybuchnuła ad kamientaroŭ, piša BGmedia.
Pačałosia z taho, što žyviołavod sielhaspradpryjemstva «Dobryca» z Salihorščyny pakazaŭ u tyktoku svoj raźlikovy list. Za 188 hadzin pracy na fiermie mužčyna atrymaŭ 237 rubloŭ, pry hetym pradpryjemstva ŭtrymała 345 rubloŭ za padziež cialat. Choć, pa słovach rabotnika, da hibieli žyvioł jon nie mieŭ nijakaha dačynieńnia. I ŭvohule pracuje na pradpryjemstvie vartaŭnikom, choć aficyjna jaho zapisali «žyviołavodam» — nibyta tolki farmalna.
«U ich mruć cialaty, tamu što ich čymści truciać, a śpisvajuć na rabočych», — kaža mužčyna ŭ videa.
U adkaz na aburanyja kamientary i reakcyju načalstva jon źniaŭ jašče niekalki videa — pra karoŭ i cialat, jakija chodziać pa kalena ŭ hnoi i jaduć «niešta čornaje».
«Nie zrazumieła, što jaduć hetyja cialaty, ale niešta čornaje jany žerci nie chočuć. Heta što naohuł takoje? I ad mianie chočuć, kab jany vahu nabirali?» — napisaŭ aŭtar.
Pad rolikami pačałasia sapraŭdnaja bura. Pad videa pasypalisia sotni kamientaroŭ
«Dobryca — pa kalena ŭ haŭnie lažać! Žach!», — piša adzin kamientatar.
OAO ,, Dobrica"tielata vsie v hovnie
Inšy dadaje:
«Nichto nie lubić čyścić hnoj! Patrebna miechanizacyja, aŭtamatyka. A to kanca hetamu nie budzie».
«Nie lubiać prybirać hnoj. Ludzi nie pavinny pracavać pa 12 hadzin na fiermie za hrašy. Pavinien być vaśmihadzinny dzień, šeść vychadnych i narmalnaja apłata. Ludzi stamlajucca, matyvacyi niama, a zarobki śmiešnyja — na ich ni viasielle, ni pachavańnie nie zrobiš», — vykazaŭsia inšy biełarus.
«Kiraŭnika pryviazać tam na paru sutak — i ŭsio budzie dobra!»
Mnohija patrabujuć pravierki i pakarańnia:
«Heta žudasna! Pravierku kankretnuju i pakarać kiraŭnictva!»;
«Pakul sielskaja haspadarka nie piarojdzie ŭ pryvatnyja ruki-ničoha nie źmienicca».
Inšyja bačać korań biady ŭ sistemie:
«Dy navošta ździekavacca nad žyviołami? Pradajcie ich u dobryja ruki! Kudy hladzić prezident? Zarobki ŭ ich šykoŭnyja, chaj sami ŭ kałhasie papracujuć!»
«U sielskaj haspadarcy treba pierahledzieć apłatu ciažkaj pracy. Nie draić pierad pryjezdam čynoŭnikaŭ, a pracavać kožny dzień. Zahadčykaŭ karać rublom — tady budzie tołk».
«Pomsta pracadaŭcu ci hołas z hrazi?»
Aŭtar videa, žyviołavod Jaŭhien Novik, paśla publikacyi rolikaŭ chutka nabraŭ bolš za 10 tysiač padpisčykaŭ. Jaho videaroliki — dziasiatki i sotni tysiač prahladaŭ.
Na situacyju adreahavali rajonnaje vydańnie «Šachcior» i sama «Dabryca».
Kiraŭnictva pradpryjemstva zajaviła, što videa «źnievažajuć dziełavuju reputacyju» i «nie adpaviadajuć rečaisnaści». Pa ich viersii, Novik «niadobrasumlenna stavicca da abaviazkaŭ» i mienavita z-za jaho chałatnaści zahinuła ciala.
«Žyviołavod za ŭsiu źmienu nie rabiŭ abychod chlavoŭ i nie paviedamiŭ vieterynaru — u vyniku zahinuła ciala. Naniesienaja škoda ŭtrymanaja zakonna», — havorycca ŭ kamientary pradpryjemstva.
Rajonnaja hazieta pajšła jašče dalej: zajaviła, što rolik Novika — «nie akt hramadzianskaj śviadomaści, a pomsta pracadaŭcu». I dadała, što ciapier pradpryjemstvam «davodzicca vučycca žyć u novaj realnaści, dzie karotkija videa kankurujuć z aficyjnaj infarmacyjaj».
«Heta tak usiudy, va ŭsich kałhasach, — piša karystalnik. — Tolki kali ŭsie haspadarki stanuć pryvatnymi, niešta źmienicca».
U Vierchniadźvinskim rajonie fierma zapaskudziła hnojem miascovuju rečku
«Takoje — paŭsiudna». Videa z karovami ŭ hrazi ŭ Dobrušskim rajonie stała virusnym u sacsietkach
U Kruhlanskim rajonie viecier razburyŭ budynak cialatnika, dzie znachodzilisia žyvioły
«Za noč my stracili ŭsio». Trahiedyja źniščyła 17 hadoŭ pracy fiermieraŭ — zhareli karovy ź cialatami
Stała viadoma, kolki ludziej u Biełarusi pakarali za padziež žyvioły
Łukašenka zajaviŭ, što padziež žyvioły ŭ Biełarusi dasiahnuŭ «histaryčnaha maksimumu»
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary
haspadarka nie choča skotniku płacić, bo nie starajecca.
Adnak pavinna być niejkaje strachavańnie prafiesijnaj ryzyki.
Kali ŭ doktara pacyjent pamre - nichto ź jaho nie ŭtrymlivaje.