Rožki na hałavie majuć tolki samki.
Rožki na hałavie majuć tolki samki novaha vidu pčoł Megachile Lucifer
Aŭstralijskija navukoŭcy adkryli novy vid pčoł — z rožkami i dali jamu adpaviednuju nazvu: Lucyfier, piša Bi-bi-si.
Poŭnaja nazva novaha vidu — Megachile Lucifer. Miehachiły — heta rod pčoł. Navukoŭcy vyjavili «Lucyfiera», kali vyvučali redki vid kvietak u rehijonie Hołdfiłds na zachadzie Aŭstralii, za 470 km na ŭschod ad Pierta (samaha zachodniaha horada krainy-kantynienta)
Vielmi dobra bačnyja rožki nosiać tolki samki hetych pčoł. Z dapamohaj hetych rožkaŭ jany mohuć abaraniacca ad vorahaŭ abo źbirać pyłok, niektar abo budmateryjał dla hniozdaŭ — naprykład, smału.
Kiraŭnica hrupy navukoŭcaŭ, jakija adkryli novy vid pčoł, doktar Kit Prenderhast kaža, što ŭ toj čas jana jakraz hladzieła sieryjał «Lucyfier» na Netflix. Pa słovach doktara Prenderhast, heta pieršaje za 20 hadoŭ papaŭnieńnie ŭ hetym rodzie pčoł.
«Kali ja składała apisańnie hetaha novaha vidu, ja hladzieła «Lucyfiera» na Netflix. Imia padyšło prosta idealna. Ja vialikaja fanatka nietfliksaŭskaha Lucyfiera, tak što dumać tut asabliva nie pryjšłosia», — tłumačyć jana.
Doktar Prenderhast układvaje i jašče adzin sens u hetaje najmieńnie. «Lucyfier» u pierakładzie z łacinskaj movy aznačaje «śviatłanosny» — i, pa dumcy Kit Prenderhast, hetaje imia simvalizuje nieabchodnaść pralivać śviatło na važnaść achovy miascovych vidaŭ pčoł i vyvučeńnia miechanizmaŭ apyleńnia redkich vidaŭ raślin.
U dakładzie ab adkryćci, apublikavanym u vydańni Journal of Hymenoptera Research, navukoŭcy zaklikali abviaścić rajon, dzie žyvuć hetyja pčoły i rastuć redkija vidy kvietak, zapaviednikam.
«I novy vid pčoł, i źnikajučy vid kvietak byli znojdzieny na nievialikaj terytoryi, i tamu im abodvum adnačasova moža pahražać ŭmiašańnie [čałavieka] ŭ ich areał pražyvańnia i inšyja niebiaśpieki, takija jak źmianieńnie klimatu», — kaža doktar Prenderhast.
Jana skardzicca, što mnohija hornazdabyŭnyja kampanii pry acency ŭpłyvu ich pracy na navakolnaje asiarodździe nie ŭličvajuć hetaha ŭpłyvu na pčoł.
«Tamu my možam hublać jašče nie apisanyja vidy, u tym liku i tyja, što adyhryvajuć klučavuju rolu ŭ padtrymcy źnikajučych vidaŭ raślin i ekasistem, — tłumačyć Prenderhast. — Bieź viedaŭ ab tym, jakija dzikija pčoły isnujuć i ad jakich raślin jany zaležać, my ryzykujem stracić i tych, i inšych — jašče da taho, jak daviedajemsia ab ich isnavańni».
Kamientary