Fond BYSOL nie adznačyŭ istotnaha padzieńnia kolkaści achviaravańniaŭ i achviaradaŭcaŭ paśla taho, jak adnaho ź jaho zasnavalnikaŭ, Andreja Stryžaka, abvinavacili ŭ charasmiencie. Pra heta na bryfinhu paviedamiła apieracyjnaja dyrektarka fondu Hanna Dapševičucie, piša Reform.news.
Niahledziačy na prypynieńnie supracoŭnictva ź Mižnarodnym humanitarnym fondam, Bysol praciahvaje vypłačvać adnarazovuju dapamohu siemjam palitviaźniaŭ i vyzvalenym. U kastryčniku palitviaźni atrymali dapamohu pa tysiačy jeŭra na ahulnuju sumu 21 tysiača jeŭra. Vypłaty pa ekstrannym zbory za vierasień faktyčna zavieršanyja.
Taksama skončylisia 16 piersanalnych zboraŭ na ahulnuju sumu 34 908 jeŭra. U fondzie adznačajuć, što kolkaść i pamier danataŭ zastajucca na siarednim uzroŭni — biez vyraznaha spadu abo rostu.
Što tyčycca evakuacyi, to ŭ kastryčniku praviali piać vyjezdaŭ ź Biełarusi i razhladzieli 16 zvarotaŭ. Zakryćcio miežaŭ istotna na hety napramak nie paŭpłyvała.
Bysol praciahvaje biaspłatna kansultavać biełarusaŭ jak unutry krainy, tak i za jaje miežami. Za minuły miesiac pa «haračaj linii» praviali 172 kansultacyi. Pastupajuć zvaroty, źviazanyja ź pieraśledam: ludziej vyklikajuć na «hutarki» i dopyty.
Raniej suzasnavalnika Bysol Andreja Stryžaka abvinavacili ŭ charasmiencie. Unutranaja kamisija prapanavała całkam spynić ź im supracoŭnictva i adchilić ad luboha kiraŭnictva ŭ fondzie. Adnak dyrekcyja z hetym nie pahadziłasia i pakinuła jaho da sakavika 2026 hoda. Paśla hetaha Mižnarodny humanitarny fond vyklučyŭ Bysol sa svajho składu. U vieraśni stała viadoma, što Stryžak usio ž pakidaje kamandu.
U «Bajsoł» viarnułasia dyrektarka, jakaja abviaščała pra zvalnieńnie z-za dykpikaŭ Stryžaka
Sumleńnie, kachańnie, koły piekła i halivudski finał. U siamji budaŭnika i biblijatekarki z Pružanskaha rajona Ihara i Julii Łaptanovičaŭ aryštavali spačatku jaho, paśla — jaje, a paśla i babulu
Abjavili zbor na dapamohu byłomu palitviaźniu Mikałaju Kazłovu
Śviatar Alaksandr Kuchta pryznaŭsia, što supracoŭničaje z «Bajsołam», i raskazaŭ, jak pracuje heta arhanizacyja
Litoviec Vitalijus Mockus zaniaŭ pasadu Stryžaka ŭ «Bajsole». Chto heta taki?
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2828
Kamientary