Vyznačylisia kamandy ad Jeŭropy, što napramuju vyjšli na ČS pa futbole, i ŭdzielniki stykavych matčaŭ
Siońnia zaviaršyŭsia adboračny turnir u Jeŭropie da čempijanatu śvietu pa futbole 2026 hoda.
Napramuju na čempijanat śvietu pa futbole vyjšli pieramožcy hrupaŭ.
Heta zbornyja Hiermanii, Šviejcaryi, Šatłandyi, Francyi, Ispanii, Partuhalii, Niderłandaŭ, Bielhii, Anhlii, Narviehii, Aŭstryi, Charvatyi.
U stykavyja matčy adpraŭlajucca zbornyja, što zaniali ŭ svaich hrupach druhija miescy:
Słavakija, Kosava, Ukraina, Čechija, Irłandyja, Italija, Bośnija i Hiercahavina, Turcyja, Polšča, Ałbanija, Uels, Danija.
12 hetych zbornych + čatyry lepšyja kamandy ź Lihi nacyj (Šviecyja, Rumynija, Paŭnočnaja Irłandyja, Paŭnočnaja Makiedonija), što nie prabilisia praz adboračny turnir ČS, u sakaviku razyhrajuć čatyry dadatkovyja pucioŭki ad Jeŭropy.
16 zbornych buduć padzielenyja na čatyry hrupy pa čatyry kamandy i ŭ farmacie paŭfinał/finał razyhrajuć čatyry pucioŭki (to-bok jaje atrymaje pieramožca kožnaj z čatyroch hrup).
Losavańnie stykavych matčaŭ — 20 listapada. Sami matčy projduć 26 i 31 sakavika 2026 hoda.
Čempijanat śvietu pa futbole projdzie z 12 červienia pa 19 lipienia 2026 hoda ŭ ZŠA, Mieksicy i Kanadzie.
Pucioŭki ŭžo zavajavali:
ad Paŭdniovaj Amieryki — Arhiencina, Uruhvaj, Brazilija, Parahvaj, Kałumbija, Ekvador,
ad Afryki — Kaba-Vierde, Ałžyr, Tunis, Jehipiet, PAR, Maroka, Hana, Sieniehał, Kot dJIvuar,
ad Azii — Japonija, Paŭdniovaja Kareja, Aŭstralija, Katar, Uźbiekistan, Ijardanija, Saudaŭskaja Aravija,
ad Akijanii — Novaja Ziełandyja.
Taksama vystupiać ZŠA, Mieksika i Kanada jak arhanizatary.
Jašče dźvie pucioŭki razyhrajuć u mižkantynientalnym turniry, u jakim zhulajuć Balivija, Novaja Kaledonija, Irak, Demakratyčnaja Respublika Konha, a taksama dźvie kamandy, što finišujuć siońnia nočču druhimi ŭ adbory ŭ Centralnaj Amierycy i Karybskim basiejnie.
Losavańnie čempijanatu śvietu projdzie 5 śniežnia.
Zbornaja Biełarusi zhulała druhuju ničyju zapar u matčy, jaki ničoha nie značyŭ
Tak na centralnaj płoščy Osła vitali futbolnuju zbornuju Narviehii VIDEA
Na matč Ukraina — Isłandyja ŭ Varšavie pranieśli vialikija raściažki «F*k Pucin» i «Stop Łuka»
Futbolnaja zbornaja Biełarusi ździejśniła siensacyju dnia ŭ Jeŭropie — 2:2 z Danijaj
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm15
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2727
Kamientary