Polskija pamiežniki znajšli tunel pad płotam na biełaruska-polskaj miažy i zatrymali bolš za 130 mihrantaŭ, jakija praź jaho praleźli. Pošuki inšych nielehałaŭ praciahvajucca, bo sistemy nazirańnia zafiksavali, što praz tunel prajšło bolš za 180 čałaviek.
Tunel byŭ vykapany ŭ rajonie vioski Naraŭka ŭ Padlašskim vajavodstvie (pobač ź vioskaj Tušamla Śvisłackaha rajona). Uvachod u tunel znachodziŭsia ŭ lesie, prykładna za 50 mietraŭ ad miažy z Polščaj, a vychad — na polskaj terytoryi, za 10 mietraŭ ad płota. Vyšynia tunela składała 1,5 mietra.
Dla pošukaŭ nielehałaŭ, jakija ŭciakli, zadziejničali vajskoŭcaŭ i sabak.
Siarod zatrymanych asnoŭnuju častku składajuć hramadzianie Afhanistana, Pakistana, a taksama ludzi ź Niepała i Banhładeš. Taksama byli zatrymanyja dva kiroŭcy — 69‑hadovy miascovy žychar i 49‑hadovy hramadzianin Litvy, jakija pavinny byli dastavić mihrantaŭ u inšyja krainy Jeŭropy.
Pamiežnaja słužba paviedamiła, što heta ŭžo čaćviorty tunel, znojdzieny ŭ 2025 hodzie ŭ Padlašskim vajavodstvie. Pa danych Pamiežnaj achovy Polščy, z 28 listapada pa 10 śniežnia ŭsiaho było zafiksavana 5 sprobaŭ niezakonnaj mihracyi ź Biełarusi. Za pieršyja 9 dzion śniežnia mihrantaŭ kala miažy nie nazirali.
Pavodle statystyki, z pačatku 2025 hoda polskija słužby zafiksavali prykładna 29 tysiač sprob praniknieńnia nielehałaŭ ź Biełarusi, što padobna da ličbaŭ minułaha hoda.
Spynienaja schiema niezakonnaj lehalizacyi mihrantaŭ
Druhi dzień zapar ź Biełarusi ŭ Jeŭrasajuz nie sprabuje prabicca nivodzin mihrant
Nul parušeńniaŭ: mihranty nie sprabavali nielehalna pierajści miežy Litvy, Łatvii i Polščy
Sproby nielehalnaha pierachodu miažy z Polščaj u apošnija dni amal spynilisia
Ciapier čytajuć
Staŭ viadomy dakładny adras, pa jakim žyvie Anžalika Mielnikava ŭ Minsku24
Staŭ viadomy dakładny adras, pa jakim žyvie Anžalika Mielnikava ŭ Minsku
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1212
Kamientary