Pucin u Turkmienistanie dvojčy nie zmoh pravilna vymavić proźvišča lidaraŭ hetaj krainy
Prezident Rasii Uładzimir Pucin dvojčy nie zmoh pravilna vymavić proźvišča prezidenta Turkmienistana Sierdara Bierdymuchamiedava i jaho baćki Hurbanhuły Bierdymuchamiedava padčas sustrečy ŭ Ašchabadzie na forumie «Mir i davier: adzinstva metaŭ u intaresach ustojlivaj budučyni», źviarnuła ŭvahu «Viorstka».
Padčas kanfierencyi Bierdymuchamiedaŭ pieradaŭ słova Pucinu, i toj chacieŭ pavinšavać turkmienskaha lidara z pryniaćciem AAN rezalucyi ab pastajannym niejtralitecie Turkmienistana. Adnak Pucin spačatku pamyliŭsia ŭ vymaŭleńni proźvišča, a pry druhoj sprobie niapravilna vymaviŭ imia pa baćku i znoŭ zbłytaŭ proźvišča.
«Chacieŭ by ad usioj dušy pavinšavać z hetaj znamianalnaj padziejaj… Pavinšavać usich našych turkmienistanskich siabroŭ i, viadoma, pierš za ŭsio, prezidenta Sierdara Hurbanhułyjeviča Bierdymu… muchaviedava. Nacyjanalnaha lidara turkmienskaha naroda Hurbanhuły …Mielihułaviča [pravilna Mialikhułyjeviča. — Red.] Bierdymuchaviedava», — skazaŭ Pucin, jak vynikaje ź videa na sajcie Kramla.
Raniej u Pucina prablem z vymaŭleńniem hetaha kankretnaha proźvišča, jak adznačajecca, nie było.
Ale heta nie pieršy vypadak, kali jon robić pamyłki ŭ imionach i proźviščach zamiežnych lidaraŭ: u 2022‑m Pucin nieadnarazova pamylaŭsia ź imieniem prezidenta Kazachstana Kasym-Žamarta Takajeva, a ŭ 2024‑m na samicie BRIKS mieŭ ciažkaści z vymaŭleńniem imia i proźvišča prezidenta Turcyi Redžepa Taipa Erdahana.
U Turkmienistanie ciažarnaja žančyna pamierła, bo jaje aŭtamabil nie puścili praz kartež Bierdymuchamiedava
Turkmienski futbolny kłub pabiŭ rekord Knihi Hinesa, ale taja čamuści hetaha nie pryznaje
«Abyjakavaść i nianaviść». Jak žyvie Turkmienistan — kraina, palityčnuju sistemu jakoj kapijuje Łukašenka
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm15
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2727
Kamientary
dzied vova jak Brežniev apošnich dzion , nie doŭha maskoŭskaj impieryi zastałosia