Staličnyja traŭmpunkty ŭ hałalod fiksujuć da 70 vypadkaŭ traŭmaŭ za sutki
U pieryjad hałalodu kolkaść pacyjentaŭ traŭmpunkta sa zvyčajnych 10‑15 čałaviek za źmienu moža rezka pavialičvacca da 70-ci. Pra heta žurnalistam raskazali ŭ 2‑j centralnaj rajonnaj paliklinicy Frunzienskaha rajona Minska, piša BiełTA.
«Za našym traŭmpunktam zamacavany šerah paliklinik Frunzienskaha, Centralnaha i Maskoŭskaha rajonaŭ. U siarednim u dzionny čas da nas źviartajucca z traŭmami da 15 pacyjentaŭ, ale ŭ pieryjad hałalodu ich kolkaść pavialičvajecca ŭ razy. Maksimalnaja ličba składała 70 čałaviek», — raskazaŭ doktar-traŭmatołah, zahadčyk traŭmatałahičnaha kabinieta Viktar Komar.
U adździaleńni majecca ŭsio nieabchodnaje dyjahnastyčnaje abstalavańnie, hipsavaja i apieracyjnaja, dzie pravodziacca mini-apieracyi pad miascovaj aniestezijaj.
«U vypadku nieabchodnaści špitalizacyi pacyjentu nakładvajecca šyna, paśla čaho bryhada chutkaj miedycynskaj dapamohi dastaŭlaje jaho ŭ stacyjanar», — adznačyŭ zahadčyk traŭmatałahičnaha kabinieta.
U miedykaŭ isnuje paniaćcie siezonnaści traŭmaŭ. Tak, kali zima niebiaśpiečnaja hałalodnymi traŭmami, to viasnoj i letam traŭmy čaściej atrymlivajuć na adkrytych spartyŭnych placoŭkach i dačnych učastkach, a vosieńniu — padčas zboru ŭradžaju.
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary