Biełaruskija «kibierpartyzany» adpravili ŭ adstaŭku top-mieniedžara «Aerafłota»
Namieśnik hiendyrektara «Aerafłota» pa infarmacyjnych technałohijach Anton Mackievič pakinuŭ svaju pasadu. Heta adbyłosia paśla maštabnaj ataki biełaruskich chakieraŭ, jakaja paralizavała pracu najbujniejšaha rasijskaha avijapieravozčyka hetym letam.
Jak paviedamlaje hazieta «Kommiersant'», Mackievič byŭ zvolnieny ŭ siaredzinie śniežnia. Choć aficyjna kampanija zajaŭlaje ab zvalnieńni «pa ŭłasnym žadańni», krynicy ŭ halinie naŭprost źviazvajuć hetuju adstaŭku z paśpiachovaj kibieratakaj, jakuju 28 lipienia ździejśnili hrupoŭki Silent Crow i biełaruskija «Kibierpartyzany».
Tady ŭ vyniku ŭzłomu sistem «Aerafłot» byŭ vymušany admianić dziasiatki rejsaŭ, što pryviało da kałasalnych strat i reputacyjnaha ŭdaru.
Biełaruskija «Kibierpartyzany» paźniej raskryli detali apieracyi, pakazaŭšy na poŭnuju biezabaronnaść rasijskaha avijahihanta: supracoŭniki vykarystoŭvali sastarełyja viersii Windows, a ich paroli byli zanadta prostymi dla ŭzłomu.
U «Aerafłocie» sprabujuć zachavać tvar i chvalać Mackieviča, tam kažuć, što pry im adbyŭsia «istotny ryvok u raźvićci IT-kirunku kampanii ŭ častcy impartazamiaščeńnia i realizacyi stratehii ličbavaj transfarmacyi hrupy».
Ale ekśpierty adznačajuć, što mienavita biełaruskija chakiery pakazali realny stan infarmacyjnaj biaśpieki ŭ kampanii. Adstaŭki Mackieviča čakali jašče letam, adrazu paśla taho, jak «Kibierpartyzany» publična vykryli chiby ŭ abaronie sistem pieravozčyka.
Pavodle źviestak hrupy «Kibierpartyzany», rasijskaja avijakampanija «Aerafłot» udzielničała ŭ arhanizacyi vajskovych avijapieravozak.
Ataka biełaruskich kibierpartyzanaŭ naniesła «Aerafłotu» škodu na 10—50 miljonaŭ dalaraŭ.
Ciapier čytajuć
«Abo my ciabie zhvałcim, abo ty paholiš baradu razam z hałavoj». Łachvič raskazaŭ, što ź im adbyłosia25
«Abo my ciabie zhvałcim, abo ty paholiš baradu razam z hałavoj». Łachvič raskazaŭ, što ź im adbyłosia
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski99
Kamientary