Abdanan i Malekšachi na zachadzie krainy faktyčna pierajšli pad kantrol pratestoŭcaŭ. Ludzi śviatkujuć na vulicach, piša Fox News.
Pratestoŭcy ŭ Iranie ŭziali pad kantrol harady Abdanan i Malekšachi na zachadzie krainy. Ludzi śviatkujuć na vulicach i skandujuć «Śmierć Chamieniei!».
Pra poŭny zachop haradoŭ paviedamiła Nacyjanalnaja rada supracivu Irana.
«Siońnia adbylisia surjoznyja padziei ŭ dvuch haradach na zachadzie Irana, jakija faktyčna byli zachoplenyja, i ludzi ciapier śviatkujuć na vulicach», — paviedamiŭ Fox News Ali Safavi.
Marjam Radžavi, abranaja prezidentka Nacyjanalnaj rady supracivu, taksama apublikavała post u X, u jakim pavitała pratestoŭcaŭ u Malekšachi i Abdananie, jakija, pavodle jaje słoŭ, «prymusili siłavikoŭ režymu adstupić».
Paviedamlajecca taksama pra demanstracyi, strajki i vuličnyja schody ŭ dziasiatkach haradoŭ u roznych pravincyjach.
Iranskaje ahienctva Tasnim, u svaju čarhu, admaŭlaje, što pratestoŭcy ŭstalavali kantrol nad Abdananam. Pavodle jaho viersii, u horadzie sapraŭdy była akcyja pratestu, adnak jana zavieršyłasia dosyć chutka. Pavodle źviestak Tasnim, siły biaśpieki ŭžyli ślezaciečny haz. Paśla hetaha pratestoŭcy nibyta raźbiehlisia, a kantrol nad centralnymi vulicami pierajšoŭ da siłavikoŭ.
Pavodle apošnich źviestak pravaabarončaj arhanizacyi HRANA, za dzieviać dzion pratestaŭ u Iranie zahinuli 36 čałaviek, u tym liku 34 udzielniki vuličnych akcyj i dva siłaviki. Akramia hetaha, nie mienš za 2076 čałaviek byli aryštavanyja.
Masavyja pratesty ŭ Iranie praciahvajucca z 28 śniežnia. Jany pačalisia na hałoŭnym haradskim bazary Tehierana, dzie ŭładalniki mnohich kram začynili svaje handlovyja punkty ŭ znak pratestu suprać hipierinflacyi i rezkich vahańniaŭ cen.
29 śniežnia kurs ryjała — iranskaj nacyjanalnaj valuty — upaŭ da novaha rekordnaha minimumu (adzin ryjał byŭ roŭny prykładna 0,00002 jeŭra). A ŭ kastryčniku, pavodle źviestak Suśvietnaha banka, charčovaja inflacyja ŭ Iranie skłała 64,2% — pa hetym pakazčyku krainu ŭ antyrejtynhu apiaredziŭ tolki Paŭdniovy Sudan. Ekanamičny pratest chutka pieratvaryŭsia ŭ pratest suprać režymu ajatoł.
Tehieran słaby jak nikoli: pratesty ŭ krainie i pahrozy Trampa zrabili situacyju dla ŭładaŭ Irana nadzvyčaj surjoznaj
Dziarždep ZŠA pa-rusku zajaviŭ pra niebiaśpieku hulniaŭ z Trampam
U pratestach u Iranie zahinuli 35 čałaviek, bolš za 1200 aryštavanyja
«Jak tolki dyktatury sutykajucca z realnaj siłaj, jany chutka cierpiać parazu»
Ajatała Ali Chamienei płanuje ŭciačy ź Irana ŭ Maskvu ŭ vypadku fors-mažoru
U Iranie masavyja pratesty ŭžo niekalki dzion. Pačałosia z rekordnaha abvału valuty
Kamientary
značyć pratestoŭcaŭ šmat, i nichto ich nie razahnaŭ.
Hetak i Minsk byŭ "zachopleny" tydni dva.