U Kadyrava pierastali pracavać nyrki, Kreml šukaje novaha kiraŭnika Čačni — HUR
U kiraŭnika Čačenskaj respubliki Ramzana Kadyrava pahoršyŭsia stan zdaroŭja z-za prablem z nyrkami, u Kramli abmiarkoŭvajuć patencyjnych kandydataŭ na jaho pasadu, piša «Ukrinform» sa spasyłkaju na ananimnuju krynicu ŭ Hałoŭnym upraŭleńni raźviedki Ministerstva abarony Ukrainy.
U paviedamleńni śćviardžajecca, što z-za prablem z nyrkami Kadyraŭ znachodzicca na pracedury dyjalizu, i daktary nie dajuć nijakich prahnozaŭ.
Pavodle danych krynic u HUR MA Ukrainy, ciapier Kadyraŭ znachodzicca va ŭłasnaj balnicy ŭ Čačni, da jaho źjechalisia členy siamiejnaha kłana, u tym liku i ź inšych krain.
Na fonie drennaha stanu zdaroŭja Kadyrava značna aktyvizavaŭsia praces vyznačeńnia kandydatury na miesca novaha kiraŭnika Čačni.
Siarod najbolš imaviernych i zručnych dla Kramla kandydataŭ nazyvajuć Mahamieda Daudava, Apci Ałaŭdzinava i starejšaha syna Ramzana — Achmata Kadyrava.
Dniami kiraŭnik Čačni Ramzan Kadyraŭ pryznačyŭ svajho 20‑hadovaha syna Achmata na pasadu vykanaŭcy abaviazkaŭ namieśnika staršyni ŭrada respubliki z zachavańniem pasady ministra sportu.
Jašče ŭ 2024 hodzie vydańnie «Novaja hazieta Jeŭropa» paviedamiła, što Ramzan Kadyraŭ nievylečna chvory.
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary