Takija danyja pryvodzić japonskaja kampanija Kirin Holdings — adzin z najbujniejšych suśvietnych vytvorcaŭ piva, jaki štohod publikuje hłabalnuju statystyku pa spažyvańni piva ŭ roznych krainach, piša Thinktanks.pro.
Poŭnych danych za 2025 hod jašče niama, tamu kampanija publikuje vyniki 2024 hoda.
Biezumoŭnym lidaram zastajecca Kitaj. Za 2024 hod u krainie było vypita 40,5 miljardaŭ litraŭ piva, što składaje amal 21% suśvietnaha rynku. Pry hetym spažyvańnie skaraciłasia na 3,7% u paraŭnańni z 2023 hodam.
Na druhim miescy znachodziacca ZŠA z abjomam 22,3 miljarda litraŭ i dolaj 11,5%, dzie taksama zachoŭvajecca trend na bolš umieranaje spažyvańnie.
Treciuju pazicyju zajmaje Brazilija — 15,3 miljarda litraŭ, dalej iduć Mieksika (10,8 miljarda) i Rasija (9,5 miljardaŭ). Rasija pakazała i adzin z samych vysokich tempaŭ rostu — plus 9% za hod.
Najbolšy rost spažyvańnia piva zafiksavany ŭ Indyi, dzie jano pavialičyłasia na 14,6%.
U Jeŭropie dynamika roznaskiravanaja: u Hiermanii i Čechii abjomy źnizilisia, tady jak Vialikabrytanija, Italija i Rumynija pakazali nievialiki rost.
Usiaho ŭ śviecie ŭ 2024 hodzie było spažyta 194,1 miljarda litraŭ piva, što na 0,5% bolš, čym hodam raniej.
Ciapier čytajuć
Staŭ viadomy dakładny adras, pa jakim žyvie Anžalika Mielnikava ŭ Minsku21
Staŭ viadomy dakładny adras, pa jakim žyvie Anžalika Mielnikava ŭ Minsku
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1212
Kamientary