Biełarusku nie puścili ŭ Łaos pa biaźvizie, bo pra jaho nie viedali
Z 15 studzienia bolš nie treba adkryvać vizu, kab trapić u Łaos. Hramadzianie našaj krainy mohuć znachodzicca tam na takich umovach da 30 dzion. Ale ŭźnikli ciažkaści.
Pra novaŭviadzieńnie 15 studzienia paviedamili ŭ pasolstvie Biełarusi ŭ susiednim Vjetnamie.
Sumarny termin biaźvizavaha znachodžańnia na praciahu hoda nie pavinien pieravyšać 90 dzion. Kali ž jość žadańnie zastacca ŭ Łaosie adrazu daŭžej, čym na miesiac, daviadziecca adkryvać vizu.
Pramoha avijazłučńnia ź Biełaruśsiu ŭ Łaosa pakul niama. Samy biudžetny varyjant dabracca tudy ź Minska ŭ najbližejšyja tydni budzie kaštavać $482 (kala 1400 rubloŭ). Praŭda, daviadziecca zrabić dźvie pierasadki: u Maskvie i kitajskim Huančžoŭ.
Ale siońnia, 20 studzienia, z Onliner.by źviazałasia Ksienija. Jana śćviardžaje, što «ŭ samim Łaosie pra novaŭviadzieńnie pakul nie viedajuć» i ŭ krainu pa biaźvizie jaje nie puścili. Ksienija prylacieła ŭ aŭtorak z Małajzii ŭ mižnarodny aeraport Vataj u stalicy Łaosa — Vjenćjanie.
— Heta najbujniejšy aeraport krainy. Ale ja ŭsio roŭna na ŭsialaki vypadak zahadzia razdrukavała dakumient z patrebnaj infarmacyjaj — heta nie dapamahło.
Mianie haniali ad adnaho supracoŭnika da inšaha, jakim ja pakazvała spasyłku na sajt pasolstva Biełarusi ŭ Vjetnamie. U aeraporcie, darečy, niama internetu, ale adzin z supracoŭnikaŭ vietliva padklučyŭ ich słužbovy. Na ŭsio mnie adkazvali: dyk heta ž Vjetnam!
— Ale ja tłumačyła, što pasolstva Biełarusi ŭ Vjetnamie absłuhoŭvaje i Łaos. Na heta supracoŭniki aeraporta zapiarečyli: značyć, novaŭviadzieńnie dziejničaje tolki dla dypłamatyčnych pašpartoŭ. Što, znoŭ ža, nie tak. U vyniku my spynilisia na tym, što pakul nijakaj infarmacyi pra admienu viz dla biełarusaŭ u ich niama.
Ciapier čytajuć
Były ministr kultury Rusłan Čarniecki znajšoŭ sabie padpracoŭku8
Kamientary