Pradziusarcy było ŭsiaho 57 hadoŭ. Samym paśpiachovym jaje prajektam byŭ śpiavak Dziadzia Vania. Artyst ža i paviedamiŭ pra śmierć Iny.
Dziadzia Vania apublikavaŭ u instahramie ahulnaje čorna-biełaja fota ź Inaj Radajevaj i napisaŭ: «Siońnia 21.01.2026, jaje nie stała a 19:30. Razam z taboj my mnohaje prajšli, pačynajučy z 2006 hoda, jašče da «Novaj chvali». Było šmat usiaho roznaha. Ty pražyła cikavaje i pa-sapraŭdnamu rok-n-rolnaje žyćcio!!! Škada, što ty spyniłasia tak rana. Jašče stolki ŭsiaho mahło b być… Spadziajusia, ciabie sustrenie stary Ozzy. Škada, što nie paśpieli prosta raźvitacca napaśledak. Šmat čaho jašče nie paśpieli… Bieražycie siabie i svaich blizkich, pakul jany pobač. Byvaj, druža! Byvaj, Inka… Zaŭsiody «tvoj artyst» Dziadzia Vania».
U svoj čas Ina skončyła muzyčnuju vučelniu imia Hlinki i muzyčna-piedahahičny fakultet BDPU imia Tanka. Ale ž sama vystupać na scenie nie zachacieła — vybrała inšy šlach i stała dapamahać inšym zaźziać zorkami na estradzie.
Inna Radajeva aktyŭna zajmałasia pradziusiravańniem. Samy paśpiachovy jaje prajekt — śpiavak Dziadzia Vania. Akramia hetaha, Ina była muzyčnaj ekśpiertkaj na rasijskim Pieršym kanale, dapamahała artystam rychtavacca da papularnych televizijnych prajektaŭ jak «Hołas», «Hołas. Dzieci», «Bitva talentaŭ», «Novaja chvala».
U jaje była svaja vakalnaja studyja «M.I.R.», dzie Ina była vykładčycaj razam sa svajoj dačkoj Tamaraj.
Ciapier čytajuć
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu144144
Kamientary
[Zredahavana]