«Na 15 chvilin vyklučyli śviatło — boža moj, z Ukrainaj paraŭnali». Łukašenka patłumačyŭ, kolki ekanomić na vuličnym aśviatleńni
«Pa košcie try małočna-tavarnyja kompleksy i siem prafiłaktoryjaŭ dla cialat».
Alaksandr Łukašenka padčas narady z kiraŭnictvam urada vykazaŭsia nakont źmianieńnia režymu vuličnaha aśviatleńnia, piša BiełTA.
Łukašenka zajaviŭ, što vyklučeńnie vuličnaha aśviatleńnia na karotki čas daje značnuju ekanomiju.
«Kucharaŭ [staršynia Minharvykankama] na 15 chvilin ci navat na 10 śviatło vyklučyŭ raniej — boža moj, z Ukrainaj paraŭnali! Dziesiać chvilin! A nichto nie paličyŭ, što hetyja 10—15 chvilin, jak Uładzimir Jaŭhienavič kaža, za hod dajuć pa košcie try małočna-tavarnyja kompleksy i siem prafiłaktoryjaŭ dla cialat, jak ciapier modna kazać.
Ale samaje hałoŭnaje: z 1 lutaha (ja padpisaŭ ukaz) — pavyšeńnie piensij. Niachaj i niaznačnaje, na 10%, ale piensii ŭ hetych umovach piensijanieram pavysili. Kali za hod uziać hetuju ekanomiju (na vuličnym aśviatleńni), heta praktyčna i jość hetaje pavyšeńnie. Dziesiać chvilin možna paciarpieć», — skazaŭ Łukašenka.
Jon ličyć, što heta nie ludzi aburany byli adsutnaściu aśviatleńnia, a temu śpiecyjalna nahniatajuć «źbiehłyja».
«Dumaju, nu adkul ža tema ŭziałasia? IPSA [infarmacyjna-psichałahičnaja śpiecyjalnaja apieracyja] źbiehłych. Heta ž jany adtul zakinuli. Z kosmasu. I z Ukrainaj paraŭnali. Dy kudy nas, «tatalitarnuju» dziaržavu, z «demakratyčnaj» Ukrainaj paraŭnoŭvać?!
Ale, kali jašče raz takoje IPSA, z adnaho boku, a z druhoha boku — try małočna-tavarnyja kompleksy i siem prafiłaktoryjaŭ abo hadavoje pavyšeńnie na 10% dla piensijanieraŭ — ja b jašče pahadziŭsia na hetych 10‑15 chvilin».
Alaksandr Łukašenka ličyć, što ŭ takich bujnych haradach, jak Minsk, chapaje i dadatkovych krynic aśviatleńnia, akramia vuličnych lichtaroŭ, u tym liku śviatła ad budynkaŭ, žyłych damoŭ, vitryn. Tamu, pavodle jaho słoŭ, ciažka zrazumieć, jak niechta nibyta byŭ vymušany pieramiaščacca pa stalicy «navobmacak» (heta słova było pryviedziena pa-biełarusku) abo ź ciažkaściu aryjentavaŭsia ŭ prastory.
Jon taksama raskazaŭ, što asabista na dośvitku napiaredadni narady pravieryŭ, nakolki śviatła na vulicy ŭ toj ci inšy čas:
«Raz u akno, druhi raz, na vulicu vyjšaŭ — nu kali ž užo možna ŭvohule vyklučać śviatło?»
«Treba addać naležnaje: narešcie hubiernatar Minskaj vobłaści vyklučyŭ śviatło ŭ vioskach vakoł vioski prezidenta. Dziakuj vam», — adznačyŭ Alaksandr Łukašenka.
Nahadajem, što ŭ sieradu ŭklučeńnie haradskoha aśviatleńnia na hadzinu paźniej za zvyčajnaje vyklikała abureńnie ŭ sacsietkach, i ŭčora śviatło ŭklučyli amal u zvykły čas.
Minsk u sieradu viečaram patanuŭ u ciemry. Paśla zahadu Łukašenki
«Usio śviatło pajšło na padśvietku «Minsk-areny». Što biełarusy havorać pra ciemradź na haradskich vulicach i darohach
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach
«Baćka pravilna zrabiŭ, ciapier bolš praviednaści», «Foty vyrvanyja z kantekstu». Jak prapahanda apraŭdvaje adklučeńnie śviatła na vulicach
Minenierha pra situacyju z aśviatleńniem: Usio budzie rehulavacca ŭ zaležnaści ad miascovaści
«Saładucha vykłaŭ sełfi z centra stalicy»: biełarusy žartujuć pra błekaŭt pa zahadzie Łukašenki
«Ja tolki nie razumieju, dla kaho pabudavali AES?» Daŭno nijakaja tema nie vyklikała takich emocyj, jak adklučeńnie śviatła na zahad Łukašenki
Ciapier čytajuć
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec24
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary
Heta navat miła)
Inšy by skazaŭ: adnu škołu, ci sadok, moža jaki teatr, ci stadyjon, a hety - pra fiermy! Možna vyvieści kałhaśnika ź fiermy, ale ž fiermu z kałhaśnika ....