Minenierha pra situacyju z aśviatleńniem: Usio budzie rehulavacca ŭ zaležnaści ad miascovaści
Hrafiki ŭklučeńnia vuličnaha aśviatleńnia buduć dapracoŭvacca: u Ministerstva enierhietyki pastupiła šmat zvarotaŭ ad biełarusaŭ, jakija nie acanili ekśpierymient, piša Tochka.by.
«Heta nie zusim ekśpierymient. Učora my praviali naradu, kab jakraz urehulavać hetyja pytańni, a nie adrazu abrynać aśviatleńnie. Adbyłosia nieparazumieńnie. Usio budzie rehulavacca ŭ zaležnaści ad miascovaści: mała ci što — dzieści dajarki zranku iduć na pracu», — adkazali tam.
U viedamstvie adznačyli, što Minenierha pracuje ŭ źviazcy ź miascovymi ŭładami — usio budzie prapracoŭvacca z ulikam łakalnych abstavinaŭ i pryrodnych źjaŭ (uschodu i zachodu sonca).
U pres-słužbie paabiacali dać padrabiazny aficyjny kamientar, u jakim raskažuć pra novyja hrafiki ŭklučeńnia vuličnych lichtaroŭ.
U Minharvykankamie situacyju z uklučeńniem vuličnaha aśviatleńnia ŭ stalicy na hadzinu paźniej nazvali razavym ekśpierymientam.
«Heta było rašeńnie kiraŭnictva. Siońnia tak nie budzie, heta była razavaja akcyja. Siońnia a šostaj hadzinie ŭklučycca aśviatleńnie. Jak zvyčajna, jak i raniej uklučałasia», — zapeŭniła sakratarka pryjomnaj.
U paniadziełak Łukašenka aburyŭsia, što aśviatleńnie ŭklučajuć zarana.
Na naradzie pa pytańniach raźvićcia Viciebskaj vobłaści jon zajaviŭ, što zaraz ranicaj jano adklučajecca zanadta pozna, a ŭklučajecca zanadta rana, kali na vulicy i tak dastatkova śvietła.
«Vyjedu ŭ Astrašyckim haradku, da prykładu, i ŭ inšych vioskach. Učora a šostaj hadzinie viečara ŭsia Minskaja vobłaść śviecicca. Harać ahni. I heta charakterna dla ŭsich. Kryŭdujcie sami na siabie. Budziecie płacić jak minimum sa svajoj kišeni. Usie na vulicach lichtary ŭklučany, usio źziaje. Minskaja vobłaść i tudy dalej — usio haryć. A šostaj hadzinie viečara. Navošta? Užo a pałovie vośmaj možna adklučyć ranicaj śviatło na vulicy, asabliva ciapier, kali śviatła šmat. Nie — usie lichtary harać», — skazaŭ jon.
Łukašenka raspavioŭ, što daručyŭ razabracca z hetym pytańniem. Jak jamu dałažyli, nibyta niekarektna pracujuć fotaelemienty. «Łuchta poŭnaja. Adrehulujcie hetyja fotaelemienty, kab elektryčnaść aŭtamatyčna z štučnym vašym intelektam adklučałasia a 7‑j hadzinie ranicy. I zaharałasia śviatło nie a šostaj hadzinie viečara, a ŭ vosiem. Paličycie — 4‑5 hadzin [lišnich] haryć usia kraina, śviecicca. Kolki my tracim hrošaj! Voś vašy padychody», — aburaŭsia jon.
«Vy ašaleli. Vy roŭna krainu chočacie pryvieści da vajny. Nu dyk majcie na ŭvazie, što nam ža napieradzie pryjdziecca iści. Vam u šturmavych atradach pryjdziecca», — hrymieŭ u paniadziełak Alaksandr Łukašenka.
Minsk u sieradu viečaram pahruziŭsia ŭ ciemru. Paśla zahadu Łukašenki
«Usio śviatło pajšło na padśvietku «Minsk-areny». Što biełarusy havorać pra ciemradź na haradskich vulicach i darohach
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach
«Baćka pravilna zrabiŭ, ciapier bolš praviednaści», «Foty vyrvanyja z kantekstu». Jak prapahanda apraŭdvaje adklučeńnie śviatła na vulicach
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j
Kamientary
Nie sovsiem tak. Vsie, kak i včiera, kak i vsiehda, budiet riehulirovaťsia ischodia iz toho, čto vam prikažiet vaš bolnoj kukłovod.