Čynoŭniki ad turyzmu marać pra stvareńnie «Załatoha kalca Sajuznaj dziaržavy»
U miežach tak zvanaj Sajuznaj dziaržavy mohuć stvaryć maštabny turystyčny maršrut, jaki prezientujecca jak anałah rasijskaha «Załatoha kalca». Staršynia praŭleńnia Respublikanskaha sajuza turystyčnaj industryi Biełarusi Filip Huły patłumačyŭ rasijskamu vydańniu Sputnik, čamu «sajuzny» turystyčna-infarmacyjny centr vyrašyli adkryć nie ŭ Maskvie, a ŭ Smalensku.
Pavodle słoŭ Filipa Hułaha, Smalensk maje klučavoje značeńnie tym, što praź jaho prachodzić bolšaść tranzitnych maršrutaŭ pamiž Biełaruśsiu i Rasijaj. Akramia taho, u Smalenskaj vobłaści biare pačatak Dniapro, a sam horad raźmieščany prykładna na adnolkavaj adlehłaści ad Minska, Maskvy, Homiela, Mahilova i Viciebska.
Huły ličyć Smalensk centralnym punktam i prapanuje ŭ budučyni adkryć filijały takoha centra ŭ Mahilovie ci Babrujsku, kab zachavać bałans. Asnoŭnaja zadača turcentra — prasoŭvańnie ahulnaha turystyčnaha praduktu «Sajuznaj dziaržavy», u tym liku na rynkach trecich krain i ŭ addalenych rehijonach Rasii.
Taksama abmiarkoŭvajecca ideja stvareńnia vialikaha turystyčnaha «kalca», jakoje achopić 11 rehijonaŭ Rasii i Biełarusi. U maršrut mohuć uvajści Nižni Noŭharad, Ćvier, Taržok, Pskoŭ, Vialiki Noŭharad, Połack, Viciebsk, Minsk, Mahiloŭ, Smalensk i Uładzimir. Padarožža prapanujecca padzialić na asobnyja ŭčastki, kab turystam było zručna dałučacca i zaviaršać maršrut u bujnych haradach.
U centry Mahilova znosiać histaryčny chlebazavod: zamiest art-prastory, jakuju prasili haradžanie, tam moža źjavicca 18‑paviarchovy ofisny hmach
«Akunańnie ŭ ajčynnyja karani». Biełarusam zamiest turaŭ pa Jeŭrasajuzie prapanujuć pajezdki ŭ Smalensk, Pskoŭ i Kałuhu
«Ad Maskvy da Piciera praz Sajuznuju dziaržavu». Biełaruś uklučać u rasijski turystyčny maršrut
Rasijskija prapahandysty vydumali ŭdar drona pa turystyčnym aŭtobusie. Ale ŭ historyi jość zahadkavyja fury6
Kamientary