U Maskvie pobač z centram, jaki raspracoŭvaje instrumienty masavaha sačeńnia za rasijanami, uzarvałasia mašyna
Ranicaj u čaćvier na zachadzie Maskvy adbyŭsia vybuch la budynka Hałoŭnaha navukova-daśledčaha vyličalnaha centra Kiraŭnictva spravami prezidenta (HałoŭNDVC).
HałoŭNDVC stvaraje instrumienty masavaha sačeńnia za rasijanami ŭ internecie, a taksama servisy manitorynhu i deananimizacyi karystalnikaŭ sacsietak, piša «Ahienctva».
Baza apublikavała fota, na jakim zdaloku vidać padpalenuju mašynu pierad piacipaviarchovym administracyjnym budynkam. Mašyna, jakaja vybuchnuła, spačatku zadymiłasia, a zatym prahrymieŭ vybuch.
Miarkujecca, što vybuchnuŭ aŭtamabil Mercedes ML350, usiaredzinie jakoha ŭ momant vybuchu nikoha nie było. Mahčymaj pryčynaj vybuchu stała pravodka.
Pavodle apublikavanaha u 2019 hodzie rasśledavańnia «Mieduzy», HałoŭNDVC raspracoŭvaje sistemy manitorynhu i deananimizacyi karystalnikaŭ sacsietak.
U pryvatnaści, jak vyśvietliła vydańnie, centr pradavaŭ servisy «Pskoŭ» i «Šerłak» strachavym kampanijam i słužbam biaśpieki kampanij dla pravierki sumlennaści supracoŭnikaŭ i vyvučeńnia danych kandydataŭ pry najmie na pracu. HałoŭNDVC taksama stvaryŭ dla MUS sistemu «Pasiejdon», jakaja «dazvalaje šukać u sacsietkach ekstremistaŭ». Raspracavanyja centram servisy ahrehavali piersanalnyja danyja rasijanaŭ nie tolki z adkrytych krynic, ale i sa źlitych baz.
Centr taksama adkazvaje za raspracoŭku ahulnarasijskaj sistemy videanazirańnia z raspaznańniem tvaraŭ. Ź jaje dapamohaj siłaviki ŭ Rasii ładziać abłavy jak na palityčnych aktyvistaŭ, tak i na tych, chto, naprykład, sprabuje paźbiehnuć adpraŭki ŭ vojska.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary