Homielskaja rukadzielnica Julija, jakaja stvaraje ŭpryhožvańni, doŭhi čas sprabavała prasoŭvać svaje pracy ŭ Threads. Ale vynik byŭ sumny. U niejki momant majstrycha adčajałasia i napisała, što stamiłasia zmahacca z ałharytmami. Tady karystalniki dali joj prostuju, ale efiektyŭnuju paradu. Historyju zaŭvažyŭ «Fłahštok».
Homielskaja majstrycha Julija rabiła niekalki sprobaŭ stać papularnaj u Threads i raspaviadała pra svaje ŭnikalnyja ŭpryhožvańni ručnoj raboty na rasijskaj movie. Ale dopisy nie zalatali. U adčai dziaŭčyna napisała, što stamiłasia zmahacca, i spytała ŭ aŭdytoryi, što rabić — bo dopisy łajkajuć, z bolšaści, žychary Kazachstanu, a klijentaŭ jana šukaje siarod biełarusaŭ.
Hety dopis zaŭvažyli i paraili Julii napisać nastupny post na biełaruskaj movie, jakaja ciapier stała papularnaj u Threads, — u hetym vypadku post dakładna «vystralić» i dziaŭčynu zaŭvažać.
Jana pasłuchałasia parady i znoŭ vykłała zdymki svaich rabot z podpisam:
«Biełarusy kazali, što kali budu pisać na biełaruskaj movie, to mianie adrazu zaŭvažać. Ja vieru. Stvaraju ŭpryhožvańni z sapraŭdnych kvietačak».
I heta sapraŭdy spracavała: mienš čym za sutki dopis nabraŭ bolš za tysiaču łajkaŭ i sotniu kamientaroŭ.
-
Na Biełastoččynie prajšoŭ fiestyval biełaruskaj tradycyi Soncahraj FOTY
-
Žonka Alaksandra Milinkieviča raskazała pra jahony stan: pamiać zachavałasia, ale z ruchalnym aparatam vialikija prablemy
-
«Ja ŭ kałonii byŭ bolš volny». Były palitviazień Tamaz Pipija raskazaŭ pra 6 hadoŭ za kratami i novuju paranaidalnuju biełaruskuju realnaść
Kamientary