U Hrodnie znoŭ zaŭvažyli ažyjataž na race. Što tak pryciahvaje dziasiatki čałaviek?
Niezvyčajnuju, ale tradycyjnuju karcinu ŭčora zaŭvažyli ŭ Hrodnie: dziasiatki čałaviek sabralisia na lodzie nievialikaj zatoki Niomana.
Maroz skavaŭ bolšaść vadajomaŭ rehijona, ale daśviedčanyja rybaki ŭsio ž znajšli vyjście — u čaćvier dziasiatki čałaviek sabralisia na lodzie kala Hrodzienskaha porta, piša Newgrodno.by.
Vyhladaje sapraŭdy uražliva: mahčyma, miesca i praŭda słavicca mahčymaściu dobraha ŭłovu. Pry hetym pobač ustanoŭleny tablički, jakija papiaredžvajuć ab niebiaśpiecy vychadu na lod.
«Lod u hetym miescy bolš padobny na šviejcarski syr. Dzirak-łunak u im vielmi šmat. Z ulikam taho, što na vulicy «plus», ryzyka «vykupacca» dla rybakoŭ vyrastaje šmatkroć», — papiaredžvajuć aŭtary.
MNS zaklikaje rybakoŭ vykonvać praviły biaśpieki: vychodzić na lod taŭščynioj nie mienš za 7‑10 sm, abaviazkova nadziavać vyratavalnuju kamizelku i zahadzia paviedamlać blizkim pra miesca i čas rybałki.
Ale takija zimovyja vychady ŭ Hrodnie adbyvajucca kožnuju zimu.
Kamientary