Sienatar sprahnazavaŭ, što nieŭzabavie kamunistyčny režym na Kubie ruchnie.
«Ci zaviaršyŭ prezident Donald Tramp toje, što nie ŭdałosia zrabić prezidentu Ronaldu Rejhanu? Ja vialiki prychilnik Ronalda Rejhana, ale mušu skazać: na moj pohlad, Donald Tramp — heta załaty standart dla respublikancaŭ, a mahčyma, i dla luboha prezidenta, kali havorka idzie pra źniešniuju palityku», — zajaviŭ palityk.
Hrem adznačyŭ, što pra kiraŭnika Vieniesueły Nikałasa Madura havaryli ŭsie. Ale mienavita Donald Tramp damohsia taho, što jon apynuŭsia ŭ turmie.
«Nastupnaja — Kuba. Kamunistyčnaja dyktatura na Kubie zrujnujecca. Jaje dni źličanyja. Režym u Iranie — «maciarynskaja baza» mižnarodnaha teraryzmu — voś-voś abryniecca. Kapitan hetaha karabla, ajatała, miortvy — kančatkova i biespavarotna», — padkreśliŭ Lindsi Hrem.
U minułuju piatnicu Donald Tramp, vystupajučy pierad žurnalistami, nie vyklučyŭ «siabroŭski zachop» Kuby.
«Kubinski ŭrad viadzie z nami pieramovy. Jak vy viedajecie, u ich vialikija niepryjemnaści. U ich niama hrošaj. Zaraz u ich niama ničoha. Ale jany viaduć pieramovy z nami. I, mahčyma, my ździejśnim družalubny zachop Kuby», — skazaŭ Tramp.
Prezident ZŠA nazvaŭ Kubu «miakka kažučy, krainaj-niaŭdačnicaj». Jon raspavioŭ, što ŭ dziacinstvie šmat čuŭ pra hety vostraŭ, i «ŭsie chacieli pieramien».
«Marka Rubia zajmajecca hetym pytańniem, i na vielmi vysokim uzroŭni. I, viedajecie, u ich niama hrošaj, u ich niama nafty, u ich niama ježy. I zaraz nacyja sapraŭdy znachodzicca ŭ ciažkim stanoviščy, i im patrebna naša dapamoha», — dadaŭ jon.
Paśla apieracyi ŭ Karakasie 3 studzienia pa zachopu Nikałasa Madura Tramp źviarnuŭ uvahu na Kubu, dzie z 1959 hoda kiruje kamunistyčny režym.
Donald Tramp ciaham apošnich miesiacaŭ nieadnarazova zajaŭlaŭ, što Kuba moža stać nastupnaj, a ŭrad vostrava «visić na vałasku», i ZŠA nie zastajecca ničoha inšaha, akramia jak «pryjści i ŭzarvać hetaje miesca». U adkaz kubinski prezident Mihiel Dyjas-Kanel papiaredziŭ, što kraina hatovaja da abarony.
Paśla taho, jak Tramp pryhraziŭ Kubie sankcyjami, kraina sutyknułasia ź ciažkaściami, źviazanymi z pastaŭkami nafty i palotami samalotaŭ. Tak, Mieksika prypyniła pastaŭki nafty. U kancy studzienia paviedamlałasia, što nafty na Kubie zastavałasia na dva-try tydni.
Ciapier čytajuć
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1515
Kamientary
Niejdzie tam i chamiak Kim u čarzie... Kareja pavinna abjadnacca...