Kitaj zapatrabavaŭ ad Irana nie pieraškadžać pastaŭkam katarskaha zvadkavanaha pryrodnaha hazu
Kitaj mocna zaležyć ad pastavak zvadkavanaha hazu i nafty z krain Piersidskaha zaliva. Asabliva ŭraźlivym jaho robić 30‑pracentnaja zaležnaść u imparcie zvadkavanaha pryrodnaha hazu (ZPH) ad QatarEnergy.
Kitajskija čynoŭniki nastojliva patrabujuć ad iranskich nie nanosić udary pa takich bujnych eksparciorach enierharesursaŭ, jak Katar, paviedamlaje Bloomberg sa spasyłkaj na top-mieniedžaraŭ kitajskich enierhietyčnych dziaržkampanij.
Taksama, pa ich słovach, Piekin prosić nie atakavać naftavyja i ZPH-tankiery, jakija prachodziać pa Armuzskim pralivie, i nie błakavać jaho, kab nie pieraškadžać pastaŭkam enierharesursaŭ.
Na dadzieny momant viadoma jak minimum pra piać kamiercyjnych sudoŭ, paškodžanych iranskim ahniom. Sudnachodstva ŭ pralivie praktyčna spyniłasia.
Iran budzie «spalvać» usie zamiežnyja sudny, jakija pasprabujuć praź jaho prajści, zajaviŭ raniej daradca kamandujučaha Korpusam vartavych isłamskaj revalucyi Ibrachim Džabary.
Pavodle jaho słoŭ, Tehieran taksama hatovy «ŭdaryć pa ŭsich naftapravodach u rehijonie», kab spynić ekspart nafty ź Blizkaha Uschodu. Armuzski praliŭ zastajecca adkrytym dla hramadzianskaha sudnachodstva, niahledziačy na zajavy KVIR, nastojvaje Centralnaje kamandavańnie ZŠA.
Ciapier čytajuć
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2626
Kamientary