Anhlijski lis paŭtaryŭ podźvih janota Sieni i ciapier asvojvajecca ŭ Amierycy
Lis ź Vialikabrytanii patajemna prakraŭsia na hruzavoje sudna, jakoje pieravoziła aŭtamabili, i ździejśniŭ na im padarožža z anhlijskaha Saŭthiemptana ŭ Ńju-Jork. Pa infarmacyi The Guardian, u bruklinskim zaaparku Bronx Zoo, dzie ciapier znachodzicca lis, adznačyli, što paśla pieršaha ahladu jon vyhladaje zdarovym.
Pakul nieviadoma, jak samiec zvyčajnaha lisa trapiŭ na sudna i zdoleŭ pieraadoleć kala 3400 mil da ŭschodniaha ŭźbiarežža ZŠA.
Sudna pakinuła Saŭthiemptan 4 lutaha i prybyło ŭ port Ńju-Jorka i Ńju-Džersi 18 lutaha. Tam supracoŭniki porta zaŭvažyli «chitraha bieźbiletnika». Śpiecyjalisty pa sielskaj haspadarcy ŭžo na nastupny dzień arhanizavali pieravozku lisa ŭ novy dom — zaapark Bronx Zoo.
Lisu prykładna dva hady, jaho vaha kala 5 kh.
«Vyhladaje, što jon dobra asvojvajecca. Jon šmat pieražyŭ», — adznačyŭ dyrektar prahram pa pracy z žyviołami zaaparka Kiejt Łoviet. Paśla dadatkovych miedycynskich ahladaŭ budzie vyznačana pastajannaje miesca pražyvańnia žyvioliny.
U vieterynarnym centry zaaparka lis atrymlivaje raznastajny racyjon: sadavinu, harodninu, białkovyja pradukty i śpiecyjalny korm u vyhladzie piečyva.
Zusim niadaŭna padobnaja historyja adbyłasia z amierykanskim janotam, jaki prypłyŭ u kantejniery z aŭtamabilami z ZŠA ŭ Biełaruś i ciapier asvojvajecca ŭ parku žyvioł «Dypryz» pad Baranavičami. Spačatku dumali, što heta samiec i nazvali Sieniem, ale ŭ vyniku akazałasia, što samka.
Były ministr kultury Rusłan Čarniecki znajšoŭ sabie padpracoŭku9
Kamientary