Demantavanuju ŭ vyniku vybuchu hazu častku doma ŭ Homieli adnoviać
U Homieli rychtujucca da maštabnaj rekanstrukcyi šmatpaviarchovaha doma pa vulicy Kosarava, jaki byŭ paškodžany padčas vybuchu bytavoha hazu ŭ śniežni minułaha hoda.
Demanciravanaja častka budynka budzie adbudavana nanova. Nad vytvorčaściu vyrabaŭ dla adnaŭleńnia paciarpiełaha padjezda pracuje zavod bujnapanelnaha domabudavańnia, piša «Źviazda».
Šmatpaviarchovik na Kosarava ŭźviedzieny ŭ saviecki čas, i tamu dla ŭznaŭleńnia jaho kanstrukcyj, sprajektavanych u 1980‑ia hady, nieabchodna było adaptavać staryja inžyniernyja rašeńni pad sučasnyja budaŭničyja normy i patrabavańni biaśpieki, u tym liku i narmatyvy pa tryvałaści i marozaŭstojlivaści.
— Naša hałoŭnaja meta — zabiaśpiečyć budaŭnictva jakasnymi materyjałami, i my ŭžo spravilisia z hetaj niaprostaj zadačaj. Na zavodzie, u kanstruktarskim adździele, my pierapracavali ŭsiu technałahičnuju dakumientacyju, kab adaptavać jaje da našaj vytvorčaści. Było niaprosta, bo hetyja vyraby značna adroźnivajucca ad taho, što my vyrablajem. U ich inšaja taŭščynia i śpiecyjalnaja padvieska pa pierymietry. Ale dziakujučy hnutkaści našaj vytvorčaj linii my možam sfarmiravać praktyčna luboje vyrab u miežach pamieraŭ paddona, — patłumačyŭ načalnik farmoŭnaha cecha «Homielskaha DSK» Dźmitryj Zahorac.
Śpiecyjalisty zdoleli adaptavać i plity pierakryćciaŭ. Ciapier, paśla asablivych manipulacyj, jany padychodziać dla mantažu ŭ paškodžavaha šmatpaviarchovika, «praaphredzili» i ścienavyja paneli. Jany trochsłojnyja, ź ciepłaizalacyjaj u siaredzinie i całkam «unutrany» ŭ saviecki dom. U cełym pradpryjemstva naładziła vypusk usich «starych novych» elemientaŭ, jakija patrebny dla adnaŭleńnia doma. Ciapier im, elemientam, nieabchodna prajści vyprabavańni ŭ akredytavanaj łabaratoryi i ŭžo na spravie dakazać svaju hatoŭnaść słužyć ludziam viernaściu i praŭdaj.
Nadzvyčajnaja situacyja ŭ dziesiacipaviarchovym domie na vulicy Kosarava ŭ Homieli adbyłasia 17 śniežnia. Papiaredniaj pryčynaj była nazvana ŭspyška hazava-pavietranaj sumiesi ŭ kvatery na siomym paviersie. U vyniku abrynulisia plity pierakryćciaŭ kvater. Praviedziena apieratyŭnaja evakuacyja žycharoŭ.
«Epicentram vybuchu była kuchnia kvatery numar 107. Vybuchu papiaredničaŭ praces pažaru, jaki ŭźnik u kuchonnaj šafcy pobač z hazavaj plitoj», — rastłumačyŭ pa vynikach rasśledavańnia načalnik USK.
U dalejšym vyśvietliłasia, što zahinuła žančyna. Jaje cieła było znojdziena pry razbory budaŭničych kanstrukcyj. Žychary paciarpiełaha padjezda byli pierasieleny.
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary