U minskich kramach stali pradavać nasieńnie hryboŭ. Jano sapraŭdy prarastaje?
U Biełarusi pačali zaŭvažać niezvyčajny tavar. Naroŭni z nasieńniem ahurkoŭ i pamidoraŭ na palicach źjaŭlajucca hryby ŭ vyhladzie ich nasieńnia. Vytvorcy abiacajuć uradžai baravikoŭ i lisičak prosta na hradkach. Nakolki takija abiacańni praŭdzivyja, razabraŭsia tyktok-błohier Alaksandr Harbacevič, piša Blizko.by.
Harbacevič znajšoŭ pakiecik ź micelijami hryboŭ u staličnym «Macieryku». Ich košt pačynaŭsia ad 10,99 rubla.
Rekamiendacyi pa dohladzie i malunak vyklikali ŭ błohiera niamała pytańniaŭ, tamu jon vyrašyŭ pravieryć praktyčnuju karyść ad vykarystańnia takoha nasieńnia. Praŭda, nie staŭ sam sadžać ich na hradki ci ŭ les, a adnios u Akademiju navuk na analiz.
Hribnyje siemiena?! Boroviki budut rasti na hriadkach?!
Źmieściva pakiecika pahladzieli pad mikraskopam. Kavałačkaŭ micelija i hrybnych spor u im vyjaŭlena nie było. Dla nahladnaści śpiecyjalistka pakazała micelii sapraŭdnaha hryba i adnaznačna zajaviła — z takim pakiecikam realny šaniec vyraścić baraviki ŭ siabie na ŭčastku nabližajecca da nula.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam24
Kamientary