Minskaha ekskursavoda z najvyšejšymi adznakami ad turystaŭ asudzili za palityku
Michaił Masalevič šeść hadoŭ pravodziŭ ekskursii pa Minsku. Ale niadaŭna historyka asudzili pa spravie Hajuna.
Michaił Masalevič naradziŭsia ŭ 1991 hodzie. U 2009‑m skončyŭ histaryčny kłas Liceja BDU, a ŭ 2014‑m atrymaŭ dypłom histaryčnaha fakulteta BDU pa śpiecyjalnaści «Dakumientaznaŭstva». Padčas vučoby va ŭniviersitecie małady čałaviek daśledavaŭ arhanizacyju spravavodstva ŭ dziaržaŭnych dumach Rasijskaj impieryi.
U 2018 hodzie Michaił skončyŭ kursy ekskursavodaŭ i prajšoŭ atestacyju ŭ Nacyjanalnym ahienctvie pa turyźmie. Apošnija šeść hadoŭ pracavaŭ hidam: vadziŭ ekskursii pa Minsku na biełaruskaj i ruskaj movach. Na profilnym partale Holiday.by jon mieŭ maksimalny rejtynh.
Michaił vyvučaje svoj radavod, naprykład, niadaŭna šukaŭ źviestki pra pradzieda, jaki słužyŭ u impieratarskaj armii ŭ Pieršuju suśvietnuju vajnu, a ŭ 1923 hodzie ličyŭsia ŭ śpisach pryzyŭnikoŭ 78‑ha piachotnaha pałka ŭ Baranavičach. Mužčyna časta dapamahaŭ inšym karystalnikam paradami, jak pracavać z Nacyjanalnym archivam.
Michaiła Masaleviča asudzili pavodle častak 1 i 2 artykuła 361‑4 Kryminalnaha kodeksa — «sadziejničańnie ekstremisckaj dziejnaści». Zvyčajna pieraśled pavodle hetaha artykuła źviazany sa spravaj Hajuna.
Historyku prysudzili chatniuju chimiju.
* * *
«Biełaruski Hajun» — manitorynhavy OSINT-prajekt, jaki byŭ stvorany ŭ 2022 hodzie, kali Rasija praź Biełaruś napała na Ukrainu. Prajekt adsočvaŭ vajennuju aktyŭnaść rasijskich i biełaruskich vojskaŭ, abapirajučysia na infarmacyju ad biełarusaŭ. Kaardynavała jaho dziejnaść hrupa aktyvistaŭ na čale z Antonam Matolkam.
Sprava Hajuna pačałasia paśla taho, jak siłaviki zatrymali aktyvistku, jakaja niekalki hadoŭ žyła ŭ Biełarusi ŭ padpolli. U jaje mabilniku znajšli spasyłku na dałučeńnie ŭ bot Hajuna, jakuju joj dasyłali ŭ samym pačatku isnavańnia prajekta. Fatalnaja pamyłka była ŭ tym, što spasyłka była biesterminovaja. A tamu siłaviki zmahli padklučycca da bota i vypampavać adtul usiu infarmacyju. Jany atrymali paviedamleńni akaŭntaŭ, jakija pisali ŭ bot, a taksama ichnija ID i imiony karystalnikaŭ.
Samu ž dziaŭčynu zatrymali praz toje, što jana była vymušanaja źviarnucca ŭ dziaržaŭnyja struktury, da miedykaŭ. U jaje chłopca, jaki chavaŭsia razam ź joj, pačalisia mocnyja prablemy sa zdaroŭjem na fonie aryštu jaho baćki.
Zasnavalnik Hajuna Anton Matolka adrazu paśla ŭzłomu patłumačyŭ, jak adbyłasia ŭciečka infarmacyi, i abviaściŭ zakryćcio prajekta.
«Naša Niva» — bastyjon biełaruščyny
PADTRYMAĆCiapier čytajuć
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec30
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary