Svajački zahinułych rasijskich vajskoŭcaŭ usio čaściej skardziacca na niavypłatu kampiensacyj
Svajački zahinułych rasijskich vajskoŭcaŭ śćviardžajuć, što sałdat niaredka afarmlajuć jak źnikłych bieź viestak abo dezierciraŭ, z-za čaho siemji nie mohuć atrymać naležnyja kampiensacyi.
Svajački rasijskich vajskoŭcaŭ usio čaściej skardziacca na niavypłatu kampiensacyj za zahinułych na vajnie.
Žonki i maci rasijskich vajskoŭcaŭ usio čaściej pišuć u sacyjalnych sietkach pra prablemy z atrymańniem vypłataŭ za zahinułych na vajnie suprać Ukrainy. Paviedamleńni publikujucca ŭ čatach i supołkach, źviazanych z praŭładnymi arhanizacyjami, dzie svajaki sprabujuć damahčysia dapamohi ad uładaŭ. Bild praanalizavaŭ dziasiatki tysiač paviedamleńniaŭ ad siemjaŭ sałdat za apošnija šeść miesiacaŭ.
Svajački zahinułych rasijskich vajskoŭcaŭ śćviardžajuć, što sałdat niaredka afarmlajuć jak źnikłych bieź viestak abo dezierciraŭ, z-za čaho siemji nie mohuć atrymać naležnyja kampiensacyi.
«Prakuratura nie prykładaje nijakich namahańniaŭ. My telefanavali ŭsiudy, ale nieabchodnyja dakumienty časta prychodziać tolki praz hod», — napisała adna z žančyn u siaredzinie sakavika 2026 hoda.
Pavodle dziejučych praviłaŭ, u vypadku hibieli vajskoŭca svajakam pavinny vypłacić bolš za 13 młn rubloŭ (bolš za $150 tysiač dalaraŭ) ź fiederalnaha biudžetu, a taksama dadatkovyja sumy z rehijonaŭ. Adnak vypłaty mahčymyja tolki paśla aficyjnaha paćvierdžańnia śmierci.
Svajački adznačajuć, što afarmleńnie dakumientaŭ zaciahvajecca na miesiacy i hady, a ŭ niekatorych vypadkach u daviedkach pišuć «niavyznačanuju pryčynu śmierci» abo nie źviazvajuć hibiel z bajavymi dziejańniami.
«Nijakaj kampiensacyi za śmierć, nijakaj vypłaty za ranieńni. U paśviedčańni prosta paznačana: «Pryčyna śmierci nieviadomaja», — piša ŭ sacsietkach inšaja žančyna.
Rasijskija niezaležnyja vydańni raniej paviedamlali, što ŭ armii raspaŭsiudžana praktyka ličyć zahinułych źnikłymi bieź viestak, kali cieła nie ŭdałosia evakujavać z pola boju. U takich vypadkach svajakam davodzicca źviartacca ŭ sud, kab pryznać vajskoŭca zahinułym, pakolki biez hetaha kampiensacyi nie vypłačvajucca.
Cikava, što ŭ Rasii ŭźnik navat fienomien «čornych udoŭ» — tak nazyvajuć žančyn, jakija z karyślivych mierkavańniaŭ śpiašajucca ažanicca z sałdatami, kab u vypadku ich śmierci atrymać vialikija vypłaty.
Ciapier čytajuć
Jak skłaŭsia los internacyjanalnych dziaciej, jakich vychoŭvali ŭ Žodzinie ŭ pieršym u Biełarusi dziciačym domie siamiejnaha typu?5
Jak skłaŭsia los internacyjanalnych dziaciej, jakich vychoŭvali ŭ Žodzinie ŭ pieršym u Biełarusi dziciačym domie siamiejnaha typu?
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary