Hrodna hublaje ŭnikalnyja ŭzory draŭlanaha dojlidstva mižvajennaha pieryjadu. Za karotki čas horad straciŭ histaryčny budynak na vulicy Asipienki, za jaki krajaznaŭcy zmahalisia niekalki hadoŭ, i pačaŭ razborku viadomaha zialonaha doma na skryžavańni vulic Mickieviča i Mitrapalita Fiłareta. Abodva abjekty čakaje padobny los: na ich miescy abiacajuć uźvieści «kopii», jakija naŭrad ci zachavajuć aŭtentyčny duch aryhinałaŭ.
Kaniec «Nastaŭnickaj kałonii»
Dom №3 pa vulicy Asipienki, budynak 1930‑ch hadoŭ, byŭ častkaj unikalnaha ansambla tak zvanaj «Nastaŭnickaj kałonii» — kompleksu žyłych damoŭ, zbudavanych u styli draŭlanaha kanstruktyvizmu dla vykładčykaŭ susiedniaj škoły.
Da 2015 hoda dom zastavaŭsia žyłym i znachodziŭsia ŭ całkam zdavalniajučym stanie, uklučajučy idealny sutarenny pavierch. Adnak kamunalnyja słužby pryznali jaho nieprydatnym i ŭ sakaviku 2019 hoda pačali demantaž: rabočyja paśpieli źniać dach. Tady hrodzienskamu historyku Miečysłavu Supronu ŭdałosia ździejśnić cud: jon trapiŭ na pryjom da tahačasnaha staršyni harvykankama Miečysłava Hoja i litaralna za 10 chvilin da kančatkovaha razbureńnia spyniŭ pracu techniki.
Ułady paabiacali vystavić dom na aŭkcyjon, kab dać jamu šanc na vyratavańnie. Ale biez dachu budynak prastajaŭ pad daždžom i śnieham niekalki hadoŭ, pastupova hublajučy svoj resurs. Urešcie ŭ kancy 2022 hoda ŭčastak vystavili na tarhi z novaj umovaj: nie dla zachavańnia aryhinała, a pad prajektavańnie i budaŭnictva novaha doma z patrabavańniem «adnavić fasady ŭ stylistycy draŭlanaj architektury» z vykarystańniem dreva i zachavańniem praporcyj.
I voś 26 sakavika 2026 hoda Miečysłaŭ Supron paviedamiŭ na svajoj staroncy ŭ Facebook: dom źnieśli kančatkova. Historyja vyratavańnia zaviaršyłasia fizičnym źniščeńniem pomnika architektury.
Haścinica zamiest aŭtentyki na Mickieviča
Amal adnačasova z hetym pačalisia raboty na inšym znakavym abjekcie — draŭlanym zialonym domie na skryžavańni vulic Mickieviča i Mitrapalita Fiłareta. Hety prykmietny budynak doŭhi čas stajaŭ pustym, pakul jaho nie vykupiła pryvatnaja kampanija.
Jak paviedamlaje partał Newgrodno.by, pieršapačatkova płanavałasia zachavać dom i harmanična ŭpisać jaho ŭ abjom novaj pabudovy. Adnak niadaŭna inviestar abviaściŭ budynak avaryjnym, i ciapier jaho całkam raźbiaruć. Na miescy histaryčnaj pabudovy źjavicca trochpaviarchovaja haścinica na 21 numar z restaranam na pieršym paviersie.
Zabudoŭščyk abiacaje, što novy hmach budzie vykanany «ŭ takim ža styli». Adnak telehram-kanał Urban Hrodna adznačaje, što apublikavanyja prajekty istotna adroźnivajucca ad aryhinała: abjom budučaha budynka značna pavialičycca, i kazać pra dakładnaje adnaŭleńnie histaryčnaha abličča ŭžo nie davodzicca.
Praktyka zamieny aŭtentyčnych budynkaŭ na sučasnyja «kopii» z pavieličeńniem płoščaŭ pastupova ściraje histaryčnuju tkaninu Hrodna, bolšaja častka jakoj abo nie znachodzicca pad achovaj, abo tolki farmalna pryznajecca kaštoŭnaj.
«Naša Niva» — bastyjon biełaruščyny
PADTRYMAĆCiapier čytajuć
Łukašenka zahadaŭ zabaranić arhanizavanyja pajezdki dziaciej za miažu biez dazvołu dziaržavy13
Łukašenka zahadaŭ zabaranić arhanizavanyja pajezdki dziaciej za miažu biez dazvołu dziaržavy
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?1515
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?15
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3030
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama30
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2929
Kamientary