Biełarusy raźmiatajuć kvitki ŭ Stambuł na červień — usio praz kancert Karža
6 červienia Maks Korž vystupaje ŭ Stambule, i biełarusy ŭžo raskuplajuć avijakvitki tudy. Chočacie dałučycca? Rychtujcie tysiačy rubloŭ.
Kancert adbudziecca 6 červienia, i kali vy chočacie apynucca ŭ Stambule prosta ŭ dzień padziei, «Biełavija» prapanuje pramy rejs z prylotam u Turcyju ŭ 12:35. Voś tolki adna prablema — kvitok na rejs kaštuje ažno 2186 rubloŭ, i tych kvitkoŭ zastałosia, pavodle sajta «Biełavii», tolki dzieviać štuk.
Takaja ž cana na pramy rejs u Stambuł, kali lacieć 4 červienia, ale tam zastałosia ŭsiaho dva kvitki. Možna kryšku sekanomić, kali vylecieć 5 červienia — tam kvitok budzie kaštavać 1779 rubloŭ, u prodažy jašče jość try kvitki.
Stolki ž kaštujuć kvitki ź Minska ŭ Stambuł, kali lacieć 1 ci 2 červienia — praŭda, na rejs 1 červienia jašče jość dzieviać kvitkoŭ. Tańniej za ŭsio na tym tydni budzie lacieć 3 červienia: kali ŭchopicie adzin z tych šaści kvitkoŭ, daviadziecca spłacić 1474 rubli.
Dla paraŭnańnia, kvitok na taki ž rejs 31 maja kaštuje 1271 rubiel, a na rejs 27 maja — uvohule 864 rubli.
Chočacie znajści varyjant ź pierasadkaj? Rychtujciesia da niazručnych stykovak i vialikich vydatkaŭ. Naprykład, 4 červienia pozna ŭviečary možna vylecieć u Stambuł praz Baku, ale 3,5 hadzin nočču vy praviadziecie ŭ bakinskim aeraporcie, čakajučy samalota na Stambuł. I viadoma, heta ŭsio budzie nie tanna — rychtujcie kala 1200 rubloŭ za kvitki ŭ toj bok.
Ale heta jašče pałova biady, bo treba ž dabracca sa Stambuła dachaty. Kali vy pažadajecie vylatać u Minsk 7 červienia, «Biełavija» prapanuje rejs u zručny čas — 15:15. A kvitok na taki rejs kaštuje 2252 rubli.
Vyrašycie zastacca ŭ Stambule jašče na dzień? Košt na kvitok u Minsk 8 červienia kaštuje ŭžo 3031 rubiel! I, viadoma, navat takich kvitkoŭ zastałosia niašmat.
«Naša Niva» — bastyjon biełaruščyny
PADTRYMAĆ
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary
Pacany, tarmazicie dviž...