U Aŭstryi pažarny atrymaŭ ekstranny vyklik padčas vizitu da cyrulnika. Jaho novy vobraz staŭ virusnym u sacsietkach
Cyrulnik tolki dźvie chviliny jak trymaŭ mašynku, kali spracavaŭ vyklik.
U aŭstryjskim Łaa-an-der-Taja 28‑hadovy pažarny Łukas samaaddana spyniŭ svoj vizit da cyrulnika z-za ekstranaha vykliku.
«Cyrulnik tolki dźvie chviliny jak trymaŭ mašynu, kali pačaŭsia vyklik», — raspavioŭ Łukas Bild.
«A 10:59 ranicy spracavaŭ sihnał tryvohi. Jon zaŭsiody ŭklučajecca na poŭnuju hučnaść. Kab cyrulnik nie spałochaŭsia i nie parezaŭ mianie, ja adklučyŭ huk na telefonie. Ale tut niečakana spracavaŭ pejdžar. Prosta pasiarod sałona, pasiarod stryžki. Ja spytaŭ cyrulnika, ci moža jon pierapynicca. Toj adkazaŭ: «Tak, viadoma»
Z napaŭhatovaj stryžkaj Łukas nakiravaŭsia ŭ pažarnuju častku. «Ja ŭžo padumaŭ, što vałasy tyrčać va ŭsie baki», — skazaŭ Łukas. — Kali ja prybieh u pažarnuju častku, usie pačali śmiajacca».
Jaho novy «vobraz» padniaŭ nastroj nie tolki kaleham. Fotazdymak chutka raźlacieŭsia pa sacsietkach, tysiačy čałaviek paśmiajalisia z hetaha kazusu.
«Ja nie dumaŭ, što hety post stanie takim papularnym», — pryznaŭsia Łukas. Kala hadziny Łukas chadziŭ ź niaskončanaj stryžkaj.
Potym vyśvietliłasia, što heta była iłžyvaja tryvoha: «Tam ničoha nie było. Ničoha nie hareła». Adrazu paśla vykliku cyrulnik pryvioŭ pryčosku Łukasa ŭ paradak.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary