Ź Biełarusi va Ukrainu zalataŭ pavietrany šar, jaki ŭzmacniaje sihnał dla rasijskich dronaŭ
Pres-sakratar Dziaržaŭnaj pamiežnaj słužby Ukrainy Andrej Dziemčanka ŭ efiry ŭkrainskaha telemarafonu paviedamiŭ, što viečaram 2 maja z terytoryi Biełarusi va Ukrainu zalataŭ pavietrany šar, jaki źjaŭlajecca retranślataram i dapamahaje rasijskim dronam, jakija Rasija zapuskaje dla ataki ŭkrainskich celaŭ.
Dziemčanka adkazvaŭ na pytańnie adnosna «śpiecyfičnaj aktyŭnaści» z boku Biełarusi, pra jakuju napiaredadni zajaŭlaŭ prezident Ukrainy Uładzimir Zialenski.
«Pahroza z boku Biełarusi nikoli nie źnikaje… Nie mahu zaraz adkryta raskryvać usiaho, ale možam čakać abo možam rychtavacca da taho, što buduć sproby destabilizavać situacyju ŭ kirunku našaj miažy, nie vyklučajem pravakacyj», — skazaŭ jon, nie ŭdakładniŭšy, pra što mienavita idzie havorka.
U toj ža čas jon raskazaŭ pra pavietrany šar, na jaki ŭ sacsietkach źviarnuli ŭvahu viečaram 2 maja:
«Učora viečaram [2 maja] taksama bačyli zalot z boku Biełarusi pavietranaj celi, jakuju ŭ dalejšym identyfikavali jak pavietrany šar. Faktyčna heta retranślatar dla taho, kab uzmacniać sihnał dla pavietranych srodkaŭ źniščeńnia, jakija Rasija vykarystoŭvaje suprać Ukrainy padčas abstrełaŭ».
Zialenski zajaviŭ pra «śpiecyfičnuju aktyŭnaść» u Biełarusi na miažy z Ukrainaj i hatoŭnaść adreahavać
U novy sankcyjny pakiet Ukrainy ŭvajšli 11 biełaruskich pradpryjemstvaŭ i 16 hramadzian Biełarusi. Siarod ich Šejman i syny Łukašenki
«U rasijan vielmi šmat chvorych idej» — Zialenski acaniŭ ryzyki dla Ukrainy z boku Biełarusi
Łukašenka: Jakija b sa mnoj pieramovy ni vioŭ Zachad, ja cudoŭna razumieju, što nie ich sukin syn
Zialenski skazaŭ pra płany Rasii stvaryć u Biełarusi bazu dla zapusku dronaŭ. U Minabarony kažuć, što jaho nie tak zrazumieli
Kamientary
smotritie,chłopcy,nie to vriemia dla tierpienija ,nahłosť imiejet vsio-taki priedieł