Kamandujučy rasijskich Rakietnych vojskaŭ stratehičnaha pryznačeńnia Siarhiej Karakajeŭ dałažyŭ pra paśpiachovy pusk «Sarmata» prezidentu Rasii Uładzimiru Pucinu.
Pa słovach Uładzimira Pucina, «Sarmat» — samy mahutny rakietny kompleks u śviecie. Sumarnaja mahutnaść bojezarada, jaki dastaŭlajecca hetaj rakietaj, u čatyry razy pieravyšaje lubyja anałahi, a dalokaść jaho prymianieńnia za košt subarbitalnaj trajektoryi pieravyšaje 35 tysiač kiłamietraŭ.
U kancy hetaha hoda, jak abiacaje prezident Rasii, «Sarmat» pastaviać na bajavoje dziažurstva.
Akramia taho, na zaviaršalnaj stadyi znachodziacca i raboty nad kompleksami «Pasiejdon» i «Buravieśnik», zajaviŭ Pucin.
6 maja rasijskaje Minabarony papiaredziła pra rakietnyja vyprabavańni na palihonie «Kura» na Kamčatcy. U rajonie Uść-Kamčackaj akruhi z 6 pa 10 maja było zabaroniena znachodzicca ludziam i luboj technicy, źviartaŭ uvahu Pavieł Podźvih, staršy navukovy supracoŭnik Instytuta AAN pa daśledavańni prablem razzbrajeńnia.
«Sarmat» — heta rasijskaja mižkantynientalnaja rakieta novaha pakaleńnia, jakaja pavinna zamianić savieckuju R-36M2 «Vajavoda» (jaje jašče nazyvajuć Satan u kłasifikacyi NATA). Jana pryznačanaja dla pieranosu jadziernych bojehałovak na vielmi vialikija adlehłaści i ličycca adnym z klučavych składnikaŭ rasijskaj jadziernaj stratehii.
Adnak prahrama vyprabavańniaŭ sutyknułasia z surjoznymi prablemami. U 2024 hodzie paviedamlałasia pra niaŭdały zapusk, kali rakieta ŭpała amal adrazu paśla startu, a paśla fiksavalisia inšyja incydenty, uklučajučy vybuchi padčas vyprabavańniaŭ. Pakolki raniejšyja sproby nie pryvodzili da paśpiachovaha palotu, heta vyklikała sumnievy ŭ hatoŭnaści sistemy da ekspłuatacyi.
Na 9 maja Rasija moža znoŭ pasprabavać zapuścić rakietu «Sarmat»
Vybuch na rakietnaj bazie pad Arenburham moh być čarhovym niaŭdałym vyprabavańniem rakiety «Sarmat»
«Takoha ŭ śviecie niama». Pucin abviaściŭ pra vyprabavańni padvodnaha aparata «Pasiejdon» ź jadziernaj ustanoŭkaj
Jadziernyja mižkantynientalnyja balistyčnyja rakiety robiacca nieprydatnymi našmat chutčej, čym ličyłasia raniej
Čarhovaje vyprabavańnie jadziernaj mižkantynientalnaj rakiety «Sarmat» skončyłasia pravałam
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary
No eto nie točno.