Inicyjatyva Maldzis aličbavała i vykłała ŭ adkryty dostup vykupleny archiŭ katalickaj parafii z Hrodzienščyny
Biełaruskaja inicyjatyva Maldzis aličbavała i vykłała ŭ adkryty dostup archiŭ parafii ŭ Vialikich Ejsmantach, što na Hrodzienščynie, datavany pieršaj pałovaj XIX stahodździa. U sakaviku jon byŭ nabyty na polskim aŭkcyjonie na srodki miecenata inicyjatyvy Illi Pakroŭskaha, piša Most.
Vykupleny archiŭ — heta tak zvany kapijaryj — rukapisny zbornik rasparadžeńniaŭ carkoŭnych i śvieckich uładaŭ, a taksama roznaha słužbovaha listavańnia. U im zachavalisia źviestki pra žyćcio parafii i miascovaj supolnaści, traplajucca proźviščy miascovych žycharoŭ, sustrakajucca zhadki pra mietryčnyja akty, asobnyja siamiejnyja historyi, natatki pra vakcynacyju ad vospy, budaŭnictva kaścioła i šmat inšaha.
Jak paviedamiŭ Maldzis, pracy skanavańnia byli vykananyja ŭ Łodzi śpiecyjalizavanaj kampanijaj — Piatrom Skandalskim i Maciejem Nieviadomskim — dziakujučy padtrymcy rehularnych achviaradaŭcaŭ inicyjatyvy. Atrymaŭsia PDF-fajł pamieram 1,7 HB. Dziakujučy vysokaj jakaści fajła jon prydatny dla padrabiaznaha vyvučeńnia.
«Aličbavanyja archivy pierastajuć być niedasiažnaj redkaściu, schavanaj u adzinkavym ekzemplary. Jany stanoviacca ahulnym zdabytkam — historyki, krajaznaŭcy, daśledniki i prosta cikaŭnyja ludzi ź luboha kutka śvietu mohuć pracavać ź imi ŭ luby čas. A značyć, imiony miascovych žycharoŭ, siamiejnyja historyi, štodzionnyja padziei vakolic Horadni XIX stahodździa vychodziać ź niabytu i viartajucca ŭ žyvuju pamiać», — kaža kiraŭnik inicyjatyvy Maldzis Pavieł Macukievič.
Pradstaŭniki inicyjatyvy abiacajuć, što ŭ budučyni kniha ŭ jakaści hramadskaha padarunka vierniecca na svajo miesca — u parafiju imia Najśviaciejšaj Panny Maryi i śviatoha Jana Niepamuka ŭ Vialikich Ejsmantach.
MALDZIS vykupiŭ staradaŭni archiŭ parafii z Haradzienščyny
Inicyjatyva Maldzis vykupiła 30 litahrafij mastaka Napaleona Ordy
«Iduć šlacham Babaryki»: Mikita Monič adkazaŭ Radzivonu Kołasu na krytyku inicyjatyvy Maldzis
Eks-supracoŭnik Akademii navuk najechaŭ na inicyjatyvu Maldzis: Nieprafiesijanały dyskredytujuć sapraŭdnych navukoŭcaŭ. Macukievič adkazaŭ
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec31
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary