Vydaviectva «Januškievič» abviaściła pra start prodažaŭ hałoŭnaha ramana Ajn Rend «Atłant raspraviŭ plečy» ŭ pierakładzie na biełaruskuju movu. Heta hruntoŭnaje vydańnie bolš jak na 1200 staronak u ćviordaj vokładcy, piša bellit.info.
«Atłant raspraviŭ plečy» Ajn Rend — maštabny raman-antyŭtopija i manifiest racyjanalnaha ehaizmu. Dziejańnie adbyvajecca ŭ ZŠA, dzie ŭrad źniščaje svabodny rynak i pryhniataje talenavitych tvorcaŭ. U centry siužetu — Dahni Tahiert i Chenk Ryjardan, jakija sprabujuć vyratavać svaje pradpryjemstvy ad niepaźbiežnaha krachu.
Śviet trymajecca na rozumie i enierhii niešmatlikich ruchavikoŭ prahresu — «atłantaŭ». Kali jany spyniajuć pracu z-za sacyjalistyčnaha cisku, cyvilizacyja razburajecca. Tvor raskryvaje fiłasofiju abjektyvizmu, dzie najvyšejšymi kaštoŭnaściami źjaŭlajucca rozum, asabistaje ščaście i praduktyŭnaja praca.
Tajamničy Džon Hołt arhanizuje strajk najlepšych rozumaŭ čałaviectva, kab dakazać: biez tvorcaŭ parazityčnaje hramadstva zahinie. Raman Ajn Rend prymušaje zadumacca pra rolu asoby ŭ historyi, miežy dziaržaŭnaha kantrolu i maralnaje prava čałavieka žyć dziela samoha siabie, havorycca ŭ anatacyi.
Knihu možna nabyć praz sajt vydaviectva Knihauka.com, a taksama ŭ kniharni ŭ Varšavie.
-
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia
-
U nastupnuju subotu ŭ Vilni projdzie Siamiejny biełaruska-litoŭski fest ź litscenaj
-
Dziaŭčyna stvaraje miłyja VIDEA ź biełaruskich haradoŭ u styli hulni The Sims
Ciapier čytajuć
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary
U aryhinale - Atlas shrugged - što dasłoŭna pierakładajecca Atłant pacisnuŭ plačyma.