ZŠA nanieśli ŭdary pa iranskich batarejach PRA i radarach u rajonie Armuzskaha praliva.
ZŠA zaviaršyli «ŭdary pa Iranie, naniesienyja ŭ metach samaabarony», — zajaviła Centralnaje kamandavańnie Uzbrojenych sił krainy. Tam dadali, što amierykanskaja armija zastajecca ŭ stanie bajavoj hatoŭnaści.
«Siły nanieśli ŭdary pa iranskich abjektach SPA, naziemnych punktach kiravańnia i radyjołakacyjnych stancyjach kala Armuzskaha praliva, vykarystoŭvajučy vysokadakładnyja bojeprypasy z samalotaŭ VPS i VMS ZŠA», — adznačana ŭ paviedamleńni kamandavańnia ŭ sacsietcy X.
Pa śćviardžeńni kamandavańnia, apieracyja stała «suraźmiernym adkazam na niadaŭnija napady na amierykanskija vojski i mižnarodnyja handlovyja karabli». Prezident ZŠA Donald Tramp zajaviŭ, što ataka stała adkazam na źbity viertalot Apache u rajonie Armuzskaha praliva.
Žurnalist Axios Barak Ravid sa spasyłkaj na krynicy paviedamiŭ u sacsietcy X, što armija ZŠA praviała try chvali ŭdaraŭ pa Iranie. Miascovyja ŚMI paviedamlali, što vybuchi prahučali ŭ haradach Biender-Abas, Džask, Siryk, Minák i na vostravie Kiešm. Pavodle infarmacyi Axios, ZŠA nanieśli ŭdary pa iranskich batarejach PRA i radarach u rajonie Armuzskaha praliva.
Ułady Irana zajavili, što ŭ adkaz na ataku byli zapuščany rakiety i bieśpiłotniki pa amierykanskich vajskovych bazach na Blizkim Uschodzie. Korpus vartavych isłamskaj revalucyi śćviardžaje, što ŭdary byli naniesieny, u tym liku, pa Piatym fłocie VMS ZŠA ŭ Bachrejnie i avijabazie ŭ Iardanii. Amierykanski bok nie paviedamlaŭ pra razbureńni. Pra adbićcio atak paviedamlali ŭłady Bachrejna i Kuviejta.
Ciapier čytajuć
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1515
Kamientary