Alaksandr Łukašenka padpisaŭ ukaz №328 «Ab niekatorych mierach pa aptymizacyi praviadzieńnia pracedur ekanamičnaj niepłaciežazdolnaści (bankructva)».
Jak paviedamiła pres‑słužba prezidenta, ukaz, padpisany 25 červienia, «skiravany na stvareńnie dadatkovych umoŭ dla finansavaha azdaraŭleńnia prablemnych pradpryjemstvaŭ i zabieśpiačeńnia pravoŭ ich rabotnikaŭ na atrymańnie zarabotnaj płaty i inšych płaciažoŭ, źviazanych z pracoŭnymi adnosinami».
Dakumient vyznačaje miechanizm pieradačy žyłych pamiaškańniaŭ, infrastruktury i inšych abjektaŭ, jakija nie padlahajuć prodažu, a taksama majomaści, što zastałasia paśla zaviaršeńnia likvidacyi, ad jakoj admovilisia kredytory, dziaržaŭnym pradpryjemstvam i arhanizacyjam. Pry hetym ustanaŭlivajecca paradak śpisańnia nielikvidnaj majomaści.
Ukaz stvaraje mahčymaści dla realizacyi na tarhach niezarehistravanych abjektaŭ nieruchomaści pradpryjemstvaŭ, jakija znachodziacca ŭ sanacyi abo likvidacyi, paviedamlaje pres‑słužba. «Pavyšajecca zacikaŭlenaść inviestaraŭ u nabyćci aktyvaŭ niepłaciežazdolnych pradpryjemstvaŭ u składzie adzinaha majomasnaha kompleksu. Pry hetym ukaz, u metach niedapuščeńnia złoŭžyvańniaŭ, dazvalaje daŭžniku, jaki znachodzicca ŭ pracedury likvidacyi, praciahvać haspadarčuju dziejnaść tolki ŭ dakładnaj adpaviednaści z zaćvierdžanym płanam likvidacyi», — havorycca ŭ pres‑relizie.
Rabotniki pradpryjemstvaŭ i asoby, žyćciu i zdaroŭju jakich pryčynieny ŭron u suviazi z vykanańniem pracoŭnych abaviazkaŭ, vyzvalajucca ad nieabchodnaści zajaŭlać pra svaje patrabavańni pry ekanamičnaj niepłaciežazdolnaści (bankructvie) pradpryjemstva. U hetym vypadku na antykryzisnaha kiraŭnika ŭskładajecca abaviazak ustanaŭlivać abjom takich patrabavańniaŭ.
«Pałažeńni ŭkaza dazvolać istotna skaracić terminy sanacyi i likvidacyi pradpryjemstvaŭ i stvaryć umovy dla pavyšeńnia efiektyŭnaści pracedur ekanamičnaj niepłaciežazdolnaści (bankructva) za košt źnižeńnia nahruzki na haspadarčyja sudy i antykryzisnych kiraŭnikoŭ, uciahvańnia majomaści, što nie vykarystoŭvajecca i nielikvidnaja, u haspadarčy abarot», — adznačajecca ŭ paviedamleńni pres‑słužby.
Ciapier čytajuć
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1
Kamientary