Prezydent Litvy Dala Hrybaŭskajcie zajaviła na sustrečy ź litoŭskimi ambasadarami, što pryjarytetami zamiežnaj palityki krainy źjaŭlajucca Skandynavija, Bałtyjskija krainy, eŭraintehracyja, ZŠA i adkrytyja ŭzajemavyhadnyja adnosiny z susiedziami.
Adkazvajučy na pytańnie žurnalista pra dačynieńni z takimi susiedziami jak Biełaruś i Rasieja, Hrybaŭskajcie skazała:
«U pieršuju čarhu my pavinny być adkrytyja dla adnosin, my bačym pazytyŭnyja tendencyi, ale, vidavočna, my nie naiŭnyja, aściarožna stavimsia da niekatorych, być moža, nie zusim karysnych dla nas inicyjatyvaŭ, ale my adkrytyja dla dyjalohu i supracoŭnictva».
Pavodle Hrybaŭskajcie, najvažniejšaje miesca ŭ źniešniaj palitycy Litvy pavinny zajmać adnosiny z takimi krainami jak Ukraina, Małdova i Hruzija, pakolki jany patrapili ŭ prahramu «Ŭschodniaha partnerstva» Eŭraźviazu. Biełarusi ŭ hetym kantekście Hrybaŭskajcie nie zhadała.
Havoračy kankretna pra dačynieńni ź Biełaruśsiu, prezydent Litvy adznačyła:
«My bačym pazytyŭnyja tendencyi i ŭ supracoŭnictvie ź Biełaruśsiu, u pieršuju čarhu ŭ sfery biznesu, u našych pradprymalnikaŭ dobryja palityčnyja ŭmovy dla pracy tam. Heta ŭžo vidavočna i stała prykmietna za apošni hod. Na dziaržaŭnym uzroŭni adnosiny taksama palapšajucca».
Hrybaŭskajcie dadała, što čakaje «dobrych navinaŭ» ź Biełarusi adnosna zatrymanaha tam kamandzira municypalnaj konnaj palicyi pry Vilenskim hałoŭnym kamisaryjacie Łajmanasa Bankaŭskasa.
Ciapier čytajuć
Ukraina ŭpieršyniu adkazała na rasijskija ataki na składy «Novaj pošty» simietryčnymi ŭdarami pa chabach «Vajłdbieryz». Padmaskoŭny zhareŭ daščentu1010
Kamientary