U Biełarusi asoby biez pastajannaha miesca žycharstva z 17 vieraśnia buduć rehistravacca ŭ punktach sacyjalnaj adaptacyi i resacyjalizacyi, abo ŭ inšych miescach, jakija vyznačać miascovyja vykanaŭčyja i rasparadčyja orhany.Ab hetym paviedamili ŭ departamiencie pa hramadzianstvu i mihracyi MUS Biełarusi.
Taki paradak rehistracyi pa miescy znachodžańnia praduhledžany pastanovaj Saŭmina numar 1225 ad 23 žniŭnia, jakaja pryniata ŭ adpaviednaści z daručeńniami, što źmiaščajucca ŭ punkcie 2 ukaza Prezidenta numar 296 ad 8 červienia. Jak rastłumačyli ŭ MUS, da hetaha rašeńnie było realizavana na miascovym uzroŭni ŭ Minsku, dzie asob biez pastajannaha miesca žycharstva pačali rehistravać pa adrasu doma načnoha znachodžańnia na vulicy Vaŭšpasava. Supracoŭniki milicyi taksama akazvali sadziejničańnie ŭ atrymańni pašparta hetaj katehoryi hramadzian. Akramia taho, u centry ich infarmavali ab mahčymych varyjantach pracaŭładkavańnia.
U rehijonach takija rašeńni nie prymalisia, ale ŭ asobnych miescach raniej užo byli stvorany takija centry. Ciapier rehistracyja asob biez pastajannaha miesca žycharstva nabudzie sistemny charaktar. Pry hetym rehistravacca zmohuć nie tolki hramadzianie Biełarusi, ale taksama asoby biez hramadzianstva, jakija majuć dazvoł na pastajannaje pražyvańnie ŭ Biełarusi, ale pa niejkich pryčynach stracili rehistracyju pa miescy žycharstva, i niama padstaŭ dla ich vysyłki abo departacyi.-0-
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary