Biełaruś i Rasija ŭzhadniajuć pytańni stvareńnia sumiesnaha pradpryjemstva pa zbycie elektraenierhii budučaj biełaruskaj AES. Pra heta paviedamiŭ žurnalistam 26 žniŭnia rasijski pasoł Alaksandr Surykaŭ.
«U nas jość apieratyŭnaja infarmacyja, što ŭ pryncypie biełaruski bok uzhadniaje stvareńnie SP pa zbycie elektraenierhii biełaruskaj AES, pa jakim išli sprečki», — skazaŭ pasoł.
Surykaŭ padkreśliŭ, što pieramovy pa prajekcie budaŭnictva AES iduć uvieś čas. «Dumaju, situacyja budzie narmalnaj», — dadaŭ dypłamat.
Nahadajem, pryblizna miesiac tamu ŭ ŚMI źjaviłasia infarmacyja ab tym, što Rasija admaŭlajecca padpisvać ź Biełaruśsiu mižuradavaje pahadnieńnie ab budaŭnictvie AES da stvareńnia SP, jakoje zojmiecca prodažam elektraenierhii budučaj stancyi. Maskva nibyta nastojvaje na svajoj doli ŭ SP u pamiery nie mienš za 50%, raźličvajučy takim čynam atrymlivać jak minimum 50% dachodaŭ ad zbytu elektraenierhii, jakuju budzie vypracoŭvać biełaruskaja AES, u vypadku jaje budaŭnictva za košt rasijskaha kredytu.
Kamientujučy hetuju infarmacyju, ekśpiert rasijskaha Instytuta enierhietyki i finansaŭ Siarhiej Kandraćjeŭ zajaviŭ, što ličyć patrabavańnie rasijskaha boku pa stvareńni SP abhruntavanym, bo Rasija vydzialaje kredyt «na nadzvyčajna lhotnych umovach».
«Samo budaŭnictva AES u hetym vypadku nie vielmi vyhadna, jaho rentabielnaść nie zanadta vysokaja, — zaŭvažyŭ ekśpiert. — Adnak „Rasatam“ chacieŭ by paŭdzielničać u pastaŭkach elektraenierhii na rynki Jeŭropy i Prybałtyki ŭ vypadku ŭźniknieńnia niejkaha deficytu, tamu što ciapier adkryvajecca vielmi šmat prajektaŭ pa stvareńni ŭ hetym rehijonie hienieravalnych mahutnaściej. Adpaviedna, dla hetaha jamu patrebna dola ŭ kirujučaj kampanii, jakaja budzie zajmacca ekspłuatacyjaj i realizacyjaj pradukcyi».
Ciapier čytajuć
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy16
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary