Pieramovy ab adzinaj valucie ź Biełaruśsiu zajšli ŭ tupik, pryznaŭ rasiejski premjer Uładzimier Pucin.
Pucin adznačyŭ, što patrabavańni, jakija vysoŭvajucca Mienskam, faktyčna zablakavali rašeńnie hetaha pytańnia.
«Ja liču, što heta pamyłka z boku našych biełaruskich partneraŭ, što my nie ŭvodzim adzinuju valutu. Na samoj spravie, dla Biełarusi heta było b vialikim plusam.Kali b my pierajšli na adzinuju valutu ŭ vyhladzie rasiejskaha rubla, to heta stabilizavana b finansavuju i ekanamičnuju sistemu Biełarusi «, — skazaŭ Pucin u interviju Kamsamolskaj praŭdzie.
Heta pamyłka z boku našych biełaruskich partneraŭ, što my nie ŭvodzim adzinuju valutu.
Pavodle słovaŭ Pucina, pieršapačatkova biełaruskija ŭłady vystupali za toje, kab rasiejskija rubli mahli drukavać jak u Miensku, tak i ŭ Maskvie.
«Ale heta nonsens. Takoje niemahčyma. Heta prosta pryviadzie da poŭnaha razbureńnia našych ekanomik. Jany, u ahulnym, pahadzilisia, a potym vystupili ź inšaj inicyjatyvaj: dobra, niachaj heta budzie adziny sumiesny Centrabank, ale pry pryniaćci rašeńniaŭ našyja hałasy pavinny ŭličvacca 50 na 50. My, viadoma, z pavahaj stavimsia da Biełarusi. Ale biełaruskaja ekanomika składaje ŭsiaho 3 adsotki ad rasiejskaj ekanomiki. I pahadzicca na toje, kab prymali rašeńni ŭ Centrabanku 50 na 50, mnie zdajecca, heta niespraviadliva ŭ adnosinach da Rasiei. My z hetym nie pahadzilisia «, — skazaŭ Pucin.
U vyniku, pavodle jahonych słovaŭ, «pytańnie zajšło ŭ tupik».
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary