Jakim palityčnym metam mahła słužyć rasprava nad Biabieninym?
Kiraŭnik dziaržavy pavinien uziać rasśledavańnie pad asabisty kantrol. Kamientar Redakcyi.
Metam pieradvybarnaha zapałochvańnia niezaležnych ŚMI? Biabienin kiravaŭ samym rezkim ź ich. Ale takich dzikich mietadaŭ raspravy raniej nie ŭžyvałasia. Čamu mienavita ciapier?
Jašče adna meta, jakuju mahli pieraśledavać nieviadomyja zabojcy, — nahniatańnie napružańnia napiaredadni vybaraŭ.
Na kaho padaje pieršaje padazreńnie, kali ŭ aŭtarytarnaj krainie hinie pry ćmianych abstavinach apazicyjny žurnalist?Viadoma, na tych, chto piatnaccać hadoŭ začyniaŭ ŚMI, biŭ kamiery, sadziŭ žurnalistaŭ. Biełaruś maje najhoršyja pakaźniki svabody presy ŭ Jeŭropie. U demakratyčnych krainach žurnalistaŭ nie zabivajuć pa palityčnych matyvach.
Suicyd, sychodziačy z taho, što my viedajem pra Biabienina i jahonyja apošnija dni, vyhladaje małaimaviernym. Na daču napivacca nie jeduć aŭtamabilem. «Biełaruski balzam» nie pjuć asobna, tym bolš — mužčyny. «Biełaruski balzam» — heta z šerahu stereatypaŭ pra biełarusa. Kštałtu
Kali samahubstva inscenizavanaje, to chto toje moh zładzić? Nijaki zamiežny eskadron śmierci nie moža dziejničać u Biełarusi, dzie ŭsio pad kantrolem. Heta niemahčyma. Navat Jandarbijeva i Litvinienku likvidoŭvali nie cicha.
Kiraŭnik dziaržavy musić uziać rasśledavańnie pad asabisty kantrol. I jano pavinna być prazrystym.
Hetaja trahiedyja mahła być spravaj tych siłaŭ, što chočuć stvaryć chaos i pasiejać strach napiaredadni vybaraŭ, — tady mahčymyja i inšyja zdareńni. U vypadku kali ŭsio śpisać na samahubstva, heta raźviaža ruki zabojcam.
Kali nie budzie vartaha davieru rasśledavańnia, značyć, hetaja sprava staić u adnym šerahu sa spravami Hančara i Zacharanki.
-
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam
-
Kali vy pracujecie ŭ Polščy, to možacie za chvilinu padtrymać «Našu Nivu» 1,5% padachodnaha, nie patraciŭšy ani hroša. Voś jak
-
Adkaz čytaču z Tomska pra toje, čamu vaš «jarki režysior» nam nieprymalny
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary