Izalatar, jak i ŭ vypadku z ambasadaj RF, zakidali «kaktejlami mołatava».
U paniadziełak u Minsku hrupa anarchistaŭ atakavała izalatar časovaha ŭtrymańnia pa vulicy Akreścina. Takuju infarmacyju raspaŭsiudziła nibyta isnaja anarchičnaja hrupa «Siabry Svabody».
Pavodle jaje, siońnia ranicaj u znak salidarnaści z zatrymanymi pa padazreńni ŭ dačynieńni da incydentu kala rasiejskaj ambasady 30 žniŭnia, izalatar na vulicy Akreścina byŭ atakavany kaktejlami Mołatava.
«Paśla radykalnaj akcyi kala rasiejskaj ambasady represiŭnyja orhany dziaržavy pačali biesprecedentnuju abłavu na anarchistaŭ i inšych sacyjalnych aktyvistaŭ pa ŭsioj krainie. I
zalatary napaŭniajucca ŭsio novymi zatrymanymi. U asnoŭnym heta dzieci, jakija nie majuć nijakaha dačynieńnia da radykalnych akcyjaŭ i zajmajucca mirnaj prapahandaj svaich pohladaŭ i udziełam u sacyjalnych inicyjatyvach. Zaraz im šyjuć spravy i viešajuć usio što tolki možna», — zajavili aktyvisty anarchistyčny hrupy.
Jany taksama ŭziali na siabie adkaznaść za ŭsie niadaŭna minułyja radykalnyja akcyi.
Aficyjnaha paćvierdžańnia ataki na izalatar, adnak, nie było. U izalatary abvierhli hety fakt.
Bolš za toje, sajt anarchistaŭ belarus.indymedia.org źmiaściŭ dopis, što hetaja infarmacyja była čarhovaj pravakacyjaj suprać anarchistaŭ.
Adnak paźniej stała viadoma, što pa fakcie napadu na IČU uzbudžana kryminalnaja sprava pa artykule «chulihanstva».
Ciapier čytajuć
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec31
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary