Buduć uniesienyja papraŭki ŭ mietadyčnyja tłumačeńni ab pracy vybarčych kamisij.
Naziralnikam budzie dadziena mahčymaść realna nazirać za pracesam padliku hałasoŭ. Pra heta zajaviła siońnia staršynia CVK Biełarusi Lidzija Jarmošyna na pasiadžeńni Centralnaj kamisii pa vybarach i praviadzieńni respublikanskich refierendumaŭ.
Na pasiadžeńni Centrvybarkam razhladaŭ 6 prajektaŭ pastanoŭ, jakija raspracavany i prapanavany dla pryniaćcia hrupaj hramadzian, u liku jakich patencyjnyja kandydaty ŭ prezidenty.
Adna z prapanoŭ tyčyłasia pravoŭ naziralnikaŭ bačyć i ŭdzielničać u pracesie padliku hałasoŭ. Lidzija Jarmošyna patłumačyła, što niekatoryja prapanovy Centrvybarkam nie moža pryniać, bo nie ŭpaŭnavažany pašyrać albo inšym čynam rehłamientavać koła pravoŭ i abaviazkaŭ naziralnikaŭ. Usio heta prapisana ŭ vybarčym zakanadaŭstvie, i dla ŭniasieńnia źmianieńniaŭ u jaho patrabujecca rašeńnie zakanadaŭčaj ułady. Centrvybarkam maje prava tolki rastłumačvać pracedurnyja pytańni dziejnaści naziralnikaŭ.
Kiraŭnica CVK taksama adznačyła, što asnoŭnyja aśpiekty pracy naziralnikaŭ užo prapisany ŭ mietadyčnych tłumačeńniach ab pracy vybarčych kamisij. Tam zafiksavana, što naziralnikam treba davać realnuju mahčymaść ažyćciaŭlać nazirańnie.
Adnak kali asobnyja hramadzianie ličać takuju farmuloŭku niedastatkovaj, to Centrvybarkam hatovy pahadzicca ź ich prapanovaj i ŭnieści papraŭki ŭ mietadyčnyja tłumačeńni. Tak, členy CVK prahałasavali za toje, kab u mietadyčnych rastłumačeńniach było zafiksavana, što «pry padliku hałasoŭ vybarščykaŭ u kamisijach naziralnikam pavinny być pradstaŭleny realnyja mahčymaści ažyćciaŭlać nazirańnie va ŭmovach, jakija zabiaśpiečvajuć nazirać pracedury padliku biuleteniaŭ».Pa prapanovie hrupy hramadzian hetaja norma ŭziataja z Kanviencyi ab standartach svabodnych i spraviadlivych vybaraŭ dziaržaŭ — udzielnic SND.
Členy Centrvybarkama paličyli taksama metazhodnym prapanovu spraścić paradak nakiravańnia naziralnikaŭ ad partyj i abjadnańniaŭ na ŭčastki dla hałasavańnia i ŭ kamisii. Zaraz partyi i arhanizacyi, navat nie majuć nizavych struktur na miescach, mohuć nakiroŭvać naziralnikaŭ u vybarčyja kamisii lubych uzroŭniaŭ, a taksama na ŭčastki dla hałasavańnia.
Ciapier čytajuć
Staŭ viadomy dakładny adras, pa jakim žyvie Anžalika Mielnikava ŭ Minsku24
Staŭ viadomy dakładny adras, pa jakim žyvie Anžalika Mielnikava ŭ Minsku
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1212
Kamientary