12 hod źniavoleńnia pahražaje vuhorskamu veteranu, jaki ŭ paniadziełak padčas sutyčak na placy Deaka pryvioŭ u ruch stary tank T-34 i sprabavaŭ prataranić im palicejski kardon.
12 hod źniavoleńnia pahražaje vuhorskamu veteranu, jaki ŭ paniadziełak padčas sutyčak na placy Deaka pryvioŭ u ruch stary tank T-34 i sprabavaŭ prataranić im palicejski kardon.
Akazałasia, što demanstranty prynieśli ŭłasny akumulatar i kabeli, nieabchodnyja dla taho, kab pryvieści ŭ ruch tank, što stajaŭ na histaryčnaj vystavie pad adkrytym niebam.
Hrupavy i ŭzbrojeny hvałt suprać słužbovych asobaŭ, a taksama paškodžańnie transpartnaha srodku – takija abvinavačvańni prakuratura choča vystavić 65-hadovamu mužčynie, jaki pad aryštam čakaje na rašeńnie ŭ svajoj spravie.
Paśla paniadziełkavych chvalavańniaŭ, padčas jakich palicyja vykarystała suprać demanstrantaŭ ślezaciečny haz, humovyja kuli, petardy i vodnyja harmaty, u Vuhorščynie tryvaje dyskusija pra toje, ci była palicyja zanadta brutalnaj i ci pravakavała jana demanstrantaŭ.
Ułady stajać na pazycyi, što palicyja nie pieravysiła svaich kampetencyjaŭ. Inšaj dumki prytrymlivajecca apazycyjnaja pravaja partyja «Fideš», jakaja navat zasnavała «centar dakumentavańnia biaspraŭnaha teroru palicyi».
Abvinavačvańni «Fideš» u adras palicyi byli pryčynaj taho, što z učorašniaha – sklikanaha «Fideš» – pasiedžańnia parlamenckaj kamisii ŭ spravach paradku i nacyjanalnaha biaśpieki vyjšli deputaty kiraŭničaj kaalicyi, a za imi kamandujučyja palicyi. Vuhorski Chelsynski kamitet pryznaŭ, što srodki, vykarystanyja palicyjaj, adpaviadajuć zakonu.
Demanstranty tym časam chočuć viarnucca ŭ piatnicu na plac Košuta, dzie jany mitynhavali ad 17 vieraśnia i adkul byli vydalenyja palicyjaj u noč ź niadzieli na paniadziełak. Kali jany nia zdolejuć viarnucca na plac, tady buduć pravodzić demanstracyju na placy Deaka.
Viadomy vuhorski internet-partał Index na znak pašany da budapešckaha tankista źmiaściŭ kamputarnyja hulni, dziakujučy jakim možna navučycca kiravać tankam. Index prezentuje šeść – na dumku partała, najlepšych – hulniaŭ, dziakujučy jakim navat tankist-pačatkoviec zmoža kiravać T-34.
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary